അല്ലു അർജുൻ കേന്ദ്ര കഥാപാത്രമായെത്തിയ ‘പുഷ്പ’യുടെ രണ്ടാം ഭാഗത്തിന്റെ ചിത്രീകരണം ജൂലൈയിൽ തുടങ്ങുമെന്ന് റിപ്പോർട്ടുകൾ. ചിത്രം 2023 മധ്യത്തോടെ റിലീസ് ചെയ്യുമെന്നും പിങ്ക് വില്ല റിപ്പോർട് ചെയ്യുന്നു.
സംവിധായകൻ സുകുമാർ സിനിമയുടെ സ്ക്രിപ്റ്റിന്റെ വായന ആരംഭിച്ചെന്നും അദ്ദേഹം ഡയലോഗുകൾക്കാണ് ഏറെ പ്രാധാന്യം നൽകുന്നതെന്നും ‘പുഷ്പ’യുടെ ഡയലോഗുകൾ ഒരുക്കിയ ശ്രീകാന്ത് വൈസ പറഞ്ഞതായാണ് റിപ്പോർട്ടുകൾ. ജൂൺ അവസാനത്തോടെയോ ജൂലൈ ആദ്യവാരമോ സിനിമ ആരംഭിക്കുമെന്നും റിപ്പോർട്ടുകളുണ്ട്.
കഴിഞ്ഞ ഡിസംബർ 17നാണ് ‘പുഷ്പ’യുടെ ആദ്യഭാഗം ലോകമെമ്പാടുമുള്ള തിയേറ്ററുകളിൽ പ്രദർശനത്തിനെത്തിയത്. ബോക്സോഫീസിൽ വൻ വിജയമായി മാറിയ ചിത്രം ജനുവരി ഏഴിന് ആമസോൺ പ്രൈമിലും റിലീസ് ചെയ്തിരുന്നു. കള്ളക്കടത്തുകാരൻ ‘പുഷ്പരാജ്’ ആയി അല്ലു അർജുൻ വേഷമിട്ടപ്പോൾ ‘ബൻവാർ സിങ് ഷേക്കാവത്ത് ഐപിഎസ്’ എന്ന പോലീസ് ഉദ്യോഗസ്ഥനായി ഫഹദ് ഫാസിലും ഗംഭീര പ്രകടനം കാഴ്ചവെച്ചിരുന്നു. ‘ആര്യ, ആര്യ 2′ എന്നീ മെഗാഹിറ്റുകൾക്ക് ശേഷം അല്ലുവും സുകുമാറും ഒരുമിച്ച ചിത്രം കൂടിയാണ് ‘പുഷ്പ’.
Most Read: സന്തോഷ് ട്രോഫി; ടിക്കറ്റ് നിരക്ക് നിശ്ചയിച്ചു