വയനാട്: മഴ കാരണം നെല്ല് കൊയ്യാനാകാതെ പ്രതിസന്ധിയിലായി കർഷകർ. വയനാട് ജില്ലയിലെ നെല്ലറയായ പനമരം പഞ്ചായത്തിലെ കർഷകരാണ് മഴ മൂലം നെല്ല് കൊയ്യാനാകാതെ ആശങ്കയിൽ ആയിരിക്കുന്നത്. കോവിഡിൽ പ്രതിസന്ധിയിലായ കർഷകർ ബാങ്ക് വായ്‌പ എടുത്തും കടം വാങ്ങിയുമായിരുന്നു കൃഷി ഇറക്കിയത്.
എന്നാൽ, കാലംതെറ്റിയ മഴ മൂലം എല്ലാം വെള്ളത്തിലായി. നെല്ല് മൂക്കുന്ന സമയത്തെ ശക്‌തമായ മഴയിൽ പാതിയോളം പാതിരായെന്ന് കർഷകർ പറയുന്നു. മഴ തുടരുന്നതിനാൽ ചില ഭാഗങ്ങളിൽ കൊഴിച്ചിലും തുടങ്ങിയിട്ടുണ്ട്. വയലിൽ വെള്ളംകെട്ടി നിൽക്കുന്നതിനാൽ വൈക്കോല് പോലും ലഭിക്കാത്ത അവസ്‌ഥയാണെന്നും കർഷകർ പറയുന്നു.
കോവിഡും മഴയും മൂലം നഷ്‌ടത്തിലേക്ക് കൂപ്പുകുത്തിയ കർഷകരെ സഹായിക്കാൻ അധികൃതർ നടപടി എടുക്കണമെന്നാണ് ഇവരുടെ ആവശ്യം.
Most Read: പയ്യന്നൂരിൽ എൻജിനിൽ കുടുങ്ങിയ മൃതദേഹവുമായി ട്രെയിൻ ഓടിയത് പത്ത് കിലോമീറ്റർ
