തിരുവനന്തപുരം: സംസ്‌ഥാനത്ത്‌ ഇന്നും ഒറ്റപ്പെട്ട ഇടങ്ങളിൽ മഴ തുടരുമെന്ന് കാലാവസ്‌ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. ഇന്ന് 6 ജില്ലകളിൽ യെല്ലോ അലർട് പ്രഖ്യാപിച്ചിട്ടുണ്ട്. എറണാകുളം, ഇടുക്കി, പാലക്കാട്, മലപ്പുറം, കോഴിക്കോട്, വയനാട് ജില്ലകളിലാണ് ഇന്ന് മഴ മുന്നറിയിപ്പ് നൽകിയിരിക്കുന്നത്.
കടൽ പ്രക്ഷുബ്‌ധമാകാൻ സാധ്യത ഉള്ളതിനാൽ മൽസ്യത്തൊഴിലാളികൾ കടലിൽ പോകുന്നതിന് വിലക്ക് ഏർപ്പെടുത്തിയിട്ടുണ്ട്. കാലവർഷത്തോടൊപ്പം വടക്കൻ കേരളത്തിന് സമീപത്തുള്ള ന്യൂനമർദ്ദ പാത്തിയാണ് മഴക്ക് കാരണം.
അതേസമയം, കാലവർഷം കേരളത്തിൽ എത്തിയതായി കാലാവസ്‌ഥാ വകുപ്പ് സ്‌ഥിരീകരിച്ചിട്ടുണ്ട്. എന്നാൽ, കാലവർഷത്തിന്റെ ആദ്യപാദത്തിൽ മഴ കുറവായിരിക്കുമെന്നാണ് പ്രവചനം. ജൂൺ പകുതിയോടെ കേരളത്തിൽ മഴ ശക്‌തിപ്പെട്ടേക്കും.
Most Read: ബലാൽസംഗ കേസ്; വിജയ് ബാബുവിന്റെ മുൻകൂർ ജാമ്യഹരജി ഇന്ന് പരിഗണിച്ചേക്കും
