രമേഷ് പിഷാരടിയെ നായകനാക്കി നവാഗതനായ നിധിൻ ഡേവീസ് സംവിധാനം ചെയ്യുന്ന ചിത്രം ‘നോ വേ ഔട്ടി’ന്റെ ടീസർ പുറത്തിറങ്ങി. രമേഷ് പിഷാരടി തന്നെയാണ് സമൂഹ മാദ്ധ്യമങ്ങളിലൂടെ ടീസർ പുറത്തുവിട്ടത്.
ഏറെ നിഗൂഢതകൾ നിറച്ച് ആവേശ ഭരിതമായാണ് ഈ സർവൈവൽ ത്രില്ലറിന്റെ ടീസർ ഒരുക്കിയിരിക്കുന്നത്. ഒരു മികച്ച ത്രില്ലർ അനുഭവം തന്നെയായിരിക്കും പ്രേക്ഷകർക്ക് ചിത്രം സമ്മാനിക്കുകയെന്നാണ് ടീസറിൽ നിന്നും വ്യക്തമാവുന്നത്.
View this post on Instagram
12 വർഷങ്ങൾക്ക് ശേഷമാണ് രമേഷ് നായക വേഷത്തിൽ അഭിനയിക്കുന്നത്. രമേഷ് പിഷാരടിയെ കൂടാതെ രവീണ(ജൂൺ ഫെയിം ), ബേസിൽ ജോസഫ് തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു.
സംവിധായകൻ നിധിൻ ഡേവീസ് തന്നെയാണ് ചിത്രത്തിന്റെ കഥയും ഒരുക്കിയിരിക്കുന്നത്. വർഗീസ് ഡേവിഡ് ഛായാഗ്രാഹകനാകുന്ന ചിത്രത്തിന്റെ എഡിറ്റർ കെആർ മിഥുൻ ആണ്. കെആർ രാഹുലാണ് ചിത്രത്തിന് സംഗീതം പകരുന്നത്.
മറ്റ് അണിയറ പ്രവർത്തകർ- ചീഫ് അസോസിയേറ്റ് ഡയറക്ടർ- ആകാശ് രാംകുമാർ, കലാ സംവിധാനം- ഗിരീഷ് മേനോൻ, വസ്ത്രാലങ്കാരം- സുജിത് മട്ടന്നൂർ, മേക്കപ്പ്- അമൽ ചന്ദ്രൻ. സംഘട്ടനം- മാഫിയ ശശി, പ്രോഡക്ഷൻ കൺട്രോളർ- വിനോദ് പറവൂർ.
Most Read: ട്വിറ്ററില് ട്രെന്റിങ്ങായി ‘കങ്കണ റണൗട്ട് ദേശ്ദ്രോഹി’ ഹാഷ്ടാഗ്