കണ്ണൂര്: ജില്ലയില് എട്ട് വയസുകാരിയെ പീഡിപ്പിക്കാന് ശ്രമിച്ച മധ്യവയസ്കന് പോലീസ് പിടിയില്. പയ്യന്നൂര് കുന്നരു സ്വദേശി നാരായണനെയാണ് (55) പോലീസ് അറസ്റ്റ് ചെയ്തത്. ഇയാള്ക്കെതിരേ പോക്സോ നിയമ പ്രകാരം പോലീസ് കേസെടുത്തു.
കുട്ടികള്ക്കെതിരെയുള്ള അക്രമം ജില്ലയില് വര്ധിച്ചു വരികയാണ്. കുറച്ച് ദിവസങ്ങള്ക്ക് മുമ്പ് പരിയാരത്ത് 17 കാരനെ പ്രകൃതിവിരുദ്ധ പീഡനത്തിന് ഇരയാക്കിയ മൂന്ന് പേരെ പോലീസ് അറസ്റ്റ് ചെയ്തിരുന്നു. ഏമ്പേറ്റ് സ്വദേശികളായ വാസു (62), കുഞ്ഞിരാമന് (74) , മോഹനന് (54) എന്നിവരെയാണ് അറസ്റ്റ് ചെയ്തത്. മൂന്ന് പേര്ക്കുമെതിരെ പോസ്കോ നിയമപ്രകാരമാണ് കേസെടുത്തത്.
മൂന്ന് വര്ഷങ്ങള്ക്ക് മുമ്പ് കുട്ടിയെ പ്രലോഭിപ്പിച്ച് തന്റെ വീട്ടില് കൊണ്ടുപോയാണ് വാസു പീഡിപ്പിച്ചത്. കുഞ്ഞിരാമന് കുട്ടിയുടെ ബന്ധു കൂടിയാണ്. ഇയാള് കഴിഞ്ഞ ജൂണ് 24 നാണ് കുട്ടിയെ പീഡനത്തിനിരയാക്കിയത്. ഈ വാര്ത്തക്ക് പിന്നാലെയാണ് 8 വയസുകാരിയുടെ പീഡന വിവരം പുറത്തുവന്നത്.