മുംബൈ: രണ്ട് ദിവസത്തെ തുടര്‍ച്ചയായ നഷ്‌ടത്തിനൊടുവില്‍ ഈ ആഴ്‌ചയിലെ അവസാന വ്യാപാര ദിവസമായ ഇന്ന് നേരിയ നേട്ടത്തിലാണ് ഓഹരി വിപണി വ്യാപാരം ആരംഭിച്ചിരിക്കുന്നത്. സെന്‍സെക്‌സ് 24 പോയിന്റ് ഉയര്‍ന്ന് 59,059 എന്ന നിലയിലും നിഫ്റ്റി 19 പോയിന്റ് നേട്ടത്തില്‍ 17,659 എന്ന നിലയിലുമാണ് വ്യാപാരം ആരംഭിച്ചത്.
റിസര്‍വ് ബാങ്ക് ഓഫ് ഇന്ത്യയുടെ പണനയം ഇന്ന് പ്രഖ്യാപിക്കുന്നതിന്റെ മുന്നോടിയായാണ് മാര്‍ക്കറ്റില്‍ ഉണര്‍വ് പ്രകടമായതെന്നാണ് വിലയിരുത്തൽ. നിഫ്റ്റിയില്‍ പെട്രോളിയം ഉൽപന്നങ്ങളുടെ വ്യാപാരം നേട്ടത്തില്‍ ആരംഭിച്ചപ്പോള്‍ ബാങ്കിംഗ് മേഖലയിലെ ഉള്‍പ്പെടെയുള്ള ഓഹരികള്‍ നഷ്‌ടത്തിലാണ് ഇന്ന് വില്‍പന ആരംഭിച്ചത്.
Read Also: സന്തോഷ്‌ ട്രോഫി; ടിക്കറ്റ് നിരക്ക് നിശ്‌ചയിച്ചു
