കൊച്ചി: 2019-20 സാമ്പത്തിക വര്ഷത്തില് എയര് ഇന്ത്യ എക്സ്പ്രസിന്റെ വരുമാനത്തില് റെക്കോര്ഡ് വര്ധനവ് രേഖപ്പെടുത്തിയതായി റിപ്പോര്ട്ട്. കഴിഞ്ഞ സാമ്പത്തിക വര്ഷത്തില് ആകെ ലാഭവിഹിതം 412.77 കോടി രൂപയാണ് കൊച്ചി ആസ്ഥാനമായുള്ള എയര് ഇന്ത്യ എക്സ്പ്രസിന് ലഭിച്ചത്.
കഴിഞ്ഞ കുറച്ചു വര്ഷങ്ങള്ക്ക് ഇടയില് യാത്രക്കാരുടെ എണ്ണത്തില് ഉണ്ടായ വര്ധനവ് ലാഭം കൂടാന് കാരണമായി. 2005-ലാണ് എയര് ഇന്ത്യയുടെ കീഴില് കമ്പനി പ്രവര്ത്തനം ആരംഭിച്ചത്. അതിന് ശേഷമുള്ള ഏറ്റവും ഉയര്ന്ന ലാഭവിഹിതമാണ് കഴിഞ്ഞ സാമ്പത്തിക വര്ഷത്തില് നേടിയത്.
2018-19നെ അപേക്ഷിച്ച് കഴിഞ്ഞ വര്ഷം യാത്രക്കാരുടെ എണ്ണത്തില് 11 ശതമാനം വര്ധനവാണ് രേഖപ്പെടുത്തിയത്. 2018-19ല് 4.36 മില്യണ് ആളുകളാണ് എയര് ഇന്ത്യ എക്സ്പ്രസിന്റെ സേവനം ഉപയോഗിച്ചതെങ്കില് കഴിഞ്ഞ സാമ്പത്തിക വര്ഷം അത് 4.84 മില്യണ് ആയി ഉയര്ന്നു. കഴിഞ്ഞ അഞ്ച് വര്ഷങ്ങളായി കമ്പനിയുടെ വാര്ഷിക വരുമാനത്തില് വളരെ കൃത്യമായ ഉയര്ച്ചയാണ് രേഖപ്പെടുത്തിയത്.
#FlyWithIX : ??????? ???? ??? ?????? ??? ??? ????? ???????!
Air India Express has reported its highest ever net profit of ?? ???.?? ????? in the financial year ????-??. pic.twitter.com/cQZa244DnM
— Air India Express (@FlyWithIX) October 28, 2020
‘കമ്പനി ഇത്തരമൊരു നേട്ടത്തിലേക്ക് എത്തിയതിന്റെ മുഴുവൻ അംഗീകാരവും ഓരോ തൊഴിലാളിക്കുമാണ്, അവരുടെ കഠിന പ്രയത്നവും അർപ്പണ ബോധവുമാണ് കമ്പനിയെ കൂടുതൽ ഉയരങ്ങളിൽ എത്തിച്ചത്’ എയർ ഇന്ത്യ എക്സ്പ്രസ് സിഇഒ ശ്യാം സുന്ദർ പറഞ്ഞു. തങ്ങളോട് സഹകരിച്ച എയർ ഇന്ത്യ ചെയർമാൻ, മറ്റു ബോർഡ് അംഗങ്ങൾ എന്നിവർക്ക് നന്ദി രേഖപ്പെടുത്തുന്നതായും അദ്ദേഹം അറിയിച്ചു.
Read Also: ‘നിന്നിൽ നിന്ന് ഒരുപാട് പഠിച്ചു പാത്തൂ’; പ്രാർത്ഥനക്ക് പിറന്നാൾ ആശംസയുമായി ഇന്ദ്രജിത്തും പൂർണിമയും