മുകേഷ് അംബാനിയുടെ റിലയൻസ് ഇൻഡസ്ട്രീസ് സ്റ്റോക്ക് പാർക്ക് ഏറ്റെടുത്തു. 79 മില്യൺ ഡോളറിനാണ് (592 കോടി രൂപ) കമ്പനിയെ റിലയൻസ് ഏറ്റെടുത്തത്. ബ്രിട്ടീഷ് രാജകുടുംബത്തിന്റെ രണ്ടാം തലമുറയുടെ സ്വന്തമായ യുകെയിലെ ആദ്യത്തെ കൺട്രി ക്ളബ്ബാണ് സ്റ്റോക്ക് പാർക്ക്. വൈവിധ്യ വൽക്കരണത്തിന്റെ ഭാഗമായി എണ്ണ വ്യവസായത്തിൽ നിന്ന് വിനോദ മേഖലയിൽ കൂടി ചുവടുറപ്പിക്കുകയാണ് ഈ ഏറ്റെടുക്കലിലൂടെ.
49 ആഡംബര സ്യൂട്ടുകൾ, 27 ഗോൾഫ് കോഴ്സുകൾ, 13 ടെന്നിസ് കോർട്ടുകൾ, 14 ഏക്കറോളം വരുന്ന സ്വകാര്യ ഗാർഡൻ എന്നിവയാണ് ബ്രിട്ടണിലെ സ്റ്റോക്ക് പാർക്കിന്റെ പ്രധാന ആകർഷണങ്ങൾ. ബ്രിട്ടീഷ് സിനിമാ വ്യവസായത്തിൽ പ്രധാന പങ്ക് വഹിക്കുന്ന ഒരു കമ്പനി കൂടിയാണിത്. ജെയിംസ് ബോണ്ട് ചിത്രങ്ങളായ ഗോൾഫ് ഫിംഗർ (1964), ടുമാറോ നെവർ ഡൈസ് (1997) എന്നിവ ഷൂട്ട് ചെയ്തത് സ്റ്റോക്ക് പാർക്കിലാണ്.
റിലയൻസിന്റെ കൺസ്യൂമർ ഹോസ്പിറ്റാലിറ്റി ബിസിനസുകളുടെ ഭാഗമായാകും സ്റ്റോക് പാർക്കിന്റെ ഇനിയുള്ള പ്രവർത്തനം.
Also Read: സോറി, വാക്സിനാണെന്ന് അറിയില്ലായിരുന്നു; മോഷ്ടിച്ച വാക്സിൻ തിരികെ നൽകി മോഷ്ടാക്കൾ