ചെന്നൈ: പ്രശസ്ത പിന്നണി ഗായിക വാണി ജയറാം അന്തരിച്ചു. 78 വയസായിരുന്നു. ചെന്നൈയിലെ വസതിയിൽ കുഴഞ്ഞു വീഴുകയായിരുന്നു. തമിഴ്, മലയാളം, കന്നഡ, തെലുങ്ക്, മറാത്തി, ഹിന്ദി എന്നിവ ഉൾപ്പടെ 19 ഭാഷകളിലായി പതിനായിരത്തിലേറെ ഗാനങ്ങൾ ആലപിച്ചിട്ടുണ്ട്. മികച്ച ഗായികക്കുള്ള ദേശീയ ചലച്ചിത്ര അവാർഡ് മൂന്ന് തവണ നേടിയിട്ടുണ്ട്.
വാണി ജയറാമിനെ അടുത്തിടെ പത്മശ്രീ നൽകി രാജ്യം ആദരിച്ചിരുന്നു. സ്വപ്നം എന്ന ചിത്രത്തിലെ ‘സൗരയൂഥത്തിൽ വിടർന്നൊരു’ എന്ന ഗാനമാണ് മലയാളത്തിൽ വാണി ജയറാം ആദ്യമായി ആലപിച്ചത്. തമിഴ്നാട്ടിലെ വെല്ലൂരിൽ 1945ൽ ആയിരുന്നു ജനനം. കലൈവാണി എന്നായിരുന്നു യഥാർഥ പേര്.
Most Read: പണം തട്ടിയെന്ന് ആരോപണം; നടൻ ബാബുരാജ് അറസ്റ്റിൽ