ന്യൂഡെൽഹി: തമിഴ്നാട്ടിൽ കന്നി മൽസരത്തിനിറങ്ങിയ ടിവികെയ്ക്ക് ലീഡ്. എഐഡിഎംകെ രണ്ടാം സ്ഥാനത്തും തുടരുന്നു. ഡിഎംകെ മൂന്നാമതാണ്. ടിവികെ 83 സീറ്റുകളിലും എഐഡിഎംകെ 65 സീറ്റിലും ഡിഎംകെ 50 സീറ്റിലുമാണ് മുന്നേറുന്നത്.
പശ്ചിമ ബംഗാളിൽ തൃണമൂൽ കോൺഗ്രസിനെ പിന്നിലാക്കി ബിജെപി ലീഡ് തുടരുകയാണ്. ബിജെപി 139 സീറ്റിലും ടിഎംസി 103 സീറ്റിലും ലീഡ് ചെയ്യുകയാണ്. അസമിലും ബിജെപി ലീഡ് തുടരുകയാണ്. 69 സീറ്റിലാണ് ബിജെപി മുന്നേറുന്നത്. 19 സീറ്റിലാണ് കോൺഗ്രസ് ഉള്ളത്. പുതുച്ചേരിയിൽ 22 സീറ്റിൽ എൻഡിഎ ആണ് ലീഡ് ചെയ്യുന്നത്.
തമിഴ്നാട്ടിൽ 234, ബംഗാളിൽ 294, അസമിൽ 126, പുതുച്ചേരിയിൽ 30 എന്നിങ്ങനെ 824 മണ്ഡലങ്ങളാണുള്ളത്. ഇതിൽ ബംഗാളിലെ ഫാൽത്ത മണ്ഡലത്തിലെ വോട്ടെണ്ണൽ 24നെ നടക്കൂ. ഗുരുതര ക്രമക്കേടുകൾ നടന്നുവെന്ന പരാതികളെ തുടർന്ന് 21ന് ഇവിടെ റീപോളിങ് പ്രഖ്യാപിച്ചിട്ടുണ്ട്.
Most Read| പുതു ഹൃദയത്തിൻ സ്പന്ദനവുമായി അമാന വീണ്ടും അക്ഷരങ്ങളുടെ ലോകത്തേക്ക്
