ജൂനിയർ എൻടിആർ, രാം ചരൺ എന്നിവരെ പ്രധാന കഥാപാത്രങ്ങളാക്കി രാജമൗലി ഒരുക്കിയ ബ്രഹ്മാണ്ഡ ചിത്രം ‘ആർആർആർ’ ഒടിടി റിലീസിനൊരുങ്ങുന്നു. മേയ് 20നാണ് ചിത്രത്തിന്റെ ഒടിടി റിലീസ്.
ചിത്രത്തിന്റെ തെലുങ്ക്, കന്നഡ, തമിഴ്, മലയാളം പതിപ്പ് സീ5 പ്ളാറ്റ്ഫോമിലും ഹിന്ദി പതിപ്പ് നെറ്റ്ഫ്ളിക്സിലുമാകും ലഭ്യമാകുക.
ഇന്ത്യൻ സിനിമാ ചരിത്രത്തിൽ ഏറ്റവും മുതൽ മുടക്കുള്ള ചിത്രമായാണ് ‘ആർആർആർ’ തിയേറ്ററിലെത്തിയത്. 650 കോടിയായിരുന്നു ചിത്രത്തിന്റെ ബജറ്റ്. ആയിരം കോടി ക്ളബ്ബിൽ ഇടംനേടിയ ചിത്രത്തിൽ ബോളിവുഡ് താരം ആലിയ ഭട്ടും വേഷമിട്ടിരുന്നു. കേരളത്തിൽ ഷിബു തമീൻസിന്റെ നേതൃത്വത്തിൽ റിയാ ഷിബുവിന്റെ എച്ച്ആർ പിക്ചേഴ്സ് ആണ് ചിത്രം വിതരണം ചെയ്തത്.
Most Read: പൂരപ്പറമ്പില് വിതരണത്തിനായി ‘സവര്ക്കർ’ ബലൂണുകളും മാസ്കുകളും; പിടിച്ചെടുത്തു