തിരുവനന്തപുരം: മുഖ്യമന്ത്രിക്കെതിരായ വധശ്രമക്കേസിൽ അറസ്‌റ്റിലായി ജാമ്യം ലഭിച്ച കെഎസ്‌ ശബരീനാഥൻ ഇന്ന് അന്വേഷണ ഉദ്യോഗസ്‌ഥന് മുന്നിൽ ഹാജരാകും. ഇന്ന് മുതൽ മൂന്ന് ദിവസം ഹാജരാകണമെന്നാണ് ജാമ്യവ്യവസ്‌ഥ. ശബരീനാഥന്റെ ഫോൺ ഇന്നലെ കോടതിയിൽ ഹാജരാക്കിയിരുന്നു.
അതേസമയം, ശബരീനാഥനെ ജാമ്യത്തിൽ വിട്ട സംഭവത്തിൽ സർക്കാരിനെതിരെ പ്രതിഷേധം കടുപ്പിക്കാനാണ് പ്രതിപക്ഷത്തിന്റെ തീരുമാനം. നിയമസഭയിൽ അറസ്‌റ്റിനെതിരെ അടിയന്തര പ്രമേയ നോട്ടീസ് നൽകാനാണ് നീക്കം. കരിങ്കൊടി പ്രതിഷേധം തുടരാൻ യൂത്ത് കോൺഗ്രസ് തീരുമാനിച്ചിട്ടുണ്ട്. ശബരീനാഥന്റെ നാടകീയ അറസ്‌റ്റിനോടുവിൽ പോലീസിന്റെ കസ്‌റ്റഡി അപേക്ഷ തള്ളി ജാമ്യം കിട്ടിയത് സർക്കാരിന് തിരിച്ചടിയാണ്.
Most Read: നിക്ഷേപത്തുകയുടെ മൂന്നിരട്ടി വാഗ്‌ദാനം; ക്രിപ്‌റ്റോ തട്ടിപ്പിൽ ഒരാൾ കൂടി അറസ്‌റ്റിൽ
