കാസർഗോഡ്: (Samastha 100 Anniversary) ജില്ലയിലെ ചട്ടഞ്ചാൽ മാലിക് ദീനാർ നഗരിയിൽ സമസ്‌തയുടെ നൂറാം വാർഷിക പ്രഖ്യാപന സമ്മേളനത്തോട് അനുബന്ധമായി നടന്ന സാംസ്‌കാരിക സമ്മേളനം രാഷ്‌ട്രീയ സാംസ്‌കാരിക രംഗത്തെ പ്രമുഖരുടെ ഒത്തു കൂടലായി. നഗരിയിൽ നടന്ന മഹളറത്തുൽ ബദരിയ ആത്‌മീയ സംഗമത്തിൽ സയ്യിദ് ഖലീൽ ബുഖാരി പ്രാർഥന നിർവഹിച്ചു. പേരോട് അബ്‌ദുറഹ്‌മാൻ സഖാഫി ഉൽബോധന പ്രഭാഷണം നടത്തി.
കാസർഗോഡ് എംപി രാജ്‍മോഹൻ ഉണ്ണിത്താൻ ഉൽഘാടനം നിർവഹിച്ച സാംസ്‌കാരിക സമ്മേളനത്തിൽ ബിഎസ്‌ അബ്‌ദുല്ലക്കുഞ്ഞി ഫൈസി അധ്യക്ഷത വഹിച്ചു. കൂറ്റമ്പാറ അബ്‌ദുറഹ്‌മാൻ ദാരിമി മുഖ്യ പ്രഭാഷണം നടത്തിയ ചടങ്ങിൽ അഡ്വ. സിഎച്ച് കുഞ്ഞമ്പു എംഎൽഎ, ശാനവാസ് പാദൂർ എന്നിവർ സംസാരിച്ചു. പള്ളങ്കോട് അബ്‌ദുൽ ഖാദിർ മദനി സ്വാഗതം പറഞ്ഞു.
TECH READ| സ്‌ത്രീകളുടെ നഗ്‌നചിത്രങ്ങൾ ഉണ്ടാക്കാൻ എഐ ആപ്പുകൾ
