ഡെല്‍ഹി: പ്രധാനമന്ത്രി നരേന്ദ്രമോദിയുടെ തിരഞ്ഞെടുപ്പ് ചോദ്യം ചെയ്‌ത്‌ മുന്‍ ബിഎസ്എഫ് ജവാന്‍ സമര്‍പ്പിച്ച ഹരജി സുപ്രിംകോടതി വിധി പറയാന്‍ മാറ്റി. വാദം പറയാന്‍ കൂടുതല്‍ സമയം അനുവദിക്കണമെന്ന ഹരജിക്കാരന്റെ ആവശ്യം തള്ളി. നരേന്ദ്ര മോദി 2019 ല്‍ വാരണാസിയില്‍ നിന്ന് മല്‍സരിച്ച ലോക്‌സഭാ തിരഞ്ഞെടുപ്പ് ചോദ്യം ചെയ്‌തുള്ളതാണ് ഹരജി.
Also Read: പാർട്ടി ദുർബലമായി; സിബലിന് പിന്നാലെ കോൺഗ്രസിനെ വിമർശിച്ച് ചിദംബരം
പ്രധാനമന്ത്രിയുടെ ഓഫീസുമായി ബന്ധപ്പെട്ട ഹരജിയാണെന്നും, പ്രധാനപ്പെട്ട കേസാണെന്നും ചീഫ് ജസ്‌റ്റിസ് എസ്എ ബോബ്ഡെ നിരീക്ഷിച്ചു. വാരണാസിയിലെ തന്റെ നാമനിര്‍ദേശ പത്രിക തള്ളിയ തിരഞ്ഞെടുപ്പ് കമ്മീഷന്റെ നടപടി ചോദ്യം ചെയ്‌താണ് മുന്‍ ബിഎസ്എഫ് ജവാന്‍ തേജ് ബഹാദൂര്‍ കോടതിയെ സമീപിച്ചത്.
