ബാവലി: ആദിവാസി സമഗ്രവികസന പദ്ധതിയുടെ ഭാഗമായി പാടത്ത് നെല്കൃഷിയിറക്കി വിവിധ സംഘങ്ങള്. മീന്കൊല്ലി കോളനിയിലെ ആതിര, അമ്പിളി, ഹരിത, അമ്പാടി, മൈന ജെഎല്ജി എന്നീ സംഘങ്ങളാണ് തരിശ് പാടത്ത് കൃഷിയിറക്കിയത്. ബാവലി പാടശേഖരസമിതിയുടെ 15 ഏക്കര് ഭൂമിയിലാണ് ഈ വര്ഷം കൃഷി ചെയ്യുന്നത്. 20 വര്ഷമായ് കൃഷി ചെയ്യാതിരിക്കുകയായിരുന്നു ഇവിടം. തിരുനെല്ലി പഞ്ചായത്ത് പ്രസിഡന്റ് ജി.മായാദേവി ഉദ്ഘാടനം നിര്വഹിച്ചു.
തിരുനെല്ലി പഞ്ചായത്തില് സുഭിക്ഷ കേരളം പദ്ധതിയുടെ ഭാഗമായ് 85 ഏക്കര് നെല്കൃഷിയും 45 ഏക്കര് കിഴങ്ങ് വര്ഗങ്ങളുമാണ് കൃഷി ചെയ്തിരിക്കുന്നത്. ഇഞ്ചി,മഞ്ഞള് തുടങ്ങിയവും ഇവിടെ കൃഷി ചെയ്യുന്നുണ്ട്.