തിരുവനന്തപുരം: സംസ്ഥാനത്തെ സ്കൂളുകളും ഓൺലൈൻ തട്ടിപ്പിനിരയാകുന്നു. തിരുവനന്തപുരം ജില്ലയിലെ ഭിന്നശേഷിക്കാർക്കായുള്ള വിദ്യാഭ്യാസ സ്ഥാപനത്തിന് ഓൺലൈൻ തട്ടിപ്പിലൂടെ നഷ്ടമായത് ഒരു ലക്ഷം രൂപയാണ്. ഉത്തരേന്ത്യൻ സംഘമാണ് തട്ടിപ്പിന് പിന്നിലെന്നാണ് കണ്ടെത്തൽ. ഗൂഗിൾ പേ വഴി കൈമാറിയ ലിങ്ക് ഉപയോഗിച്ചാണ് സംഘം ഒരു ലക്ഷം രൂപ തട്ടിയെടുത്തത്.
കേരളത്തിൽ ആദ്യമായാണ് ഇത്തരത്തിൽ ഒരു വിദ്യാഭ്യാസ സ്ഥാപനം ഓൺലൈൻ തട്ടിപ്പിന് ഇരയായത്. സൈനിക ഉദ്യോഗസ്ഥനെന്ന വ്യാജേനയാണ് തട്ടിപ്പ് സംഘം സ്കൂൾ അധികൃതരെ കബളിപ്പിച്ചതും പണം തട്ടിയതും.
സംസ്ഥാനത്ത് നിരവധി ആളുകൾക്ക് ഇത്തരത്തിൽ ഓൺലൈൻ തട്ടിപ്പിലൂടെ പണം നഷ്ടമാകുന്നതായി പരാതികൾ ഉയരുന്നുണ്ട്. എന്നാൽ ഒരു വിദ്യാഭ്യാസ സ്ഥാപനത്തിന് ഇത്തരത്തിൽ പണം നഷ്ടമാകുന്ന സംഭവം ഇതുവരെയും കേരളത്തിൽ റിപ്പോർട് ചെയ്യപ്പെട്ടിട്ടില്ല.
Read also: ബഹിരാകാശ നിലയത്തിൽ സിനിമാ ചിത്രീകരണത്തിന് ഒരുങ്ങി റഷ്യൻ സംഘം