ന്യൂഡെല്‍ഹി: നീണ്ട ഇടവേളക്ക് ശേഷം ഡെല്‍ഹിയിലെ സ്‌കൂളുകള്‍ വീണ്ടും തുറന്നു. വാക്‌സിനേഷന്‍ നടപടികള്‍ ആരംഭിച്ചതിന് പിന്നാലെ 10, 12 ക്ളാസുകളിലെ കുട്ടികള്‍ക്കാണ് പഠനം പുനരാരംഭിച്ചത്. കോവിഡ് മാനദണ്ഡങ്ങള്‍ കര്‍ശനമായും പാലിക്കണമെന്ന് കുട്ടികള്‍ക്കും അധ്യാപകര്‍ക്കും നിര്‍ദേശം നല്‍കിയിട്ടുണ്ട് .
മാസ്‌ക് ധരിച്ച് മാത്രമായിരിക്കും പ്രവേശനം. പ്രവേശന കവാടത്തില്‍ തെര്‍മല്‍ സ്‌ക്രീനിംഗ് ഉണ്ടാകും. സാമൂഹിക അകലം പാലിച്ചാകും കുട്ടികളുടെ ഇരിപ്പിടം ക്രമീകരിക്കുന്നത്. രക്ഷകര്‍ത്താക്കളുടെ സമ്മത പത്രവുമായി വരുന്ന വിദ്യാര്‍ഥികള്‍ക്ക് മാത്രമായിരിക്കും പ്രവേശനാനുമതി. വാക്‌സിന്‍ പുറത്തിറക്കിയ ശേഷം മാത്രമേ സ്‌കൂളുകള്‍ തുറക്കൂ എന്ന് വിദ്യാഭ്യാസ മന്ത്രി മനീഷ് സിസോദിയ മുമ്പ് പറഞ്ഞിരുന്നു. ഡെല്‍ഹിയെ കൂടാതെ രാജസ്‌ഥാനിലും ഇന്ന് സ്‌കൂളുകള്‍ തുറക്കുന്നുണ്ട്.
Read also: രാജ്യത്ത് 18 നഗരങ്ങളില്‍ മെട്രോ റെയില്‍ പദ്ധതികള്‍ നടപ്പാക്കി; പ്രധാനമന്ത്രി
