ന്യൂഡെല്‍ഹി: ആറ് വര്‍ഷത്തിനുളളില്‍ രാജ്യത്ത് 18 നഗരങ്ങളില്‍ മെട്രോ റെയില്‍ പദ്ധതികള്‍ നടപ്പാക്കിയെന്ന് പ്രധാനമന്ത്രി നരേന്ദ്ര മോദി. അഹമ്മദാബാദ്, സൂറത്ത് മെട്രോ റെയില്‍ പദ്ധതികള്‍ ഉല്‍ഘാടനം ചെയ്യുകയായിരുന്നു പ്രധാനമന്ത്രി. അഹമ്മദബാദ് മെട്രോയുടെ രണ്ടാംഘട്ടത്തിന്റെയും, സൂറത്ത് മെട്രോ റെയില്‍ പദ്ധതിയുടെ ആദ്യഘട്ടത്തിന്റെയും ഉല്‍ഘാടനമാണ് പ്രധാനമന്ത്രി വീഡിയോ കോണ്‍ഫറന്‍സ് വഴി നടത്തിയത്.
സ്‌ഥിരതയാര്‍ന്ന മെട്രോ റെയില്‍ നയം നടപ്പില്‍ വരുത്താന്‍ കേന്ദ്രസര്‍ക്കാരിന് കഴിഞ്ഞെന്ന് പ്രധാനമന്ത്രി പറഞ്ഞു. ആഴ്‌ചകള്‍ക്ക് മുമ്പ് ഡെല്‍ഹിയില്‍ ഡ്രൈവറില്ലാത്ത ട്രെയിന്‍ സര്‍വീസും പ്രധാനമന്ത്രി ഉല്‍ഘാടനം ചെയ്‌തിരുന്നു.
മോട്ടേര സ്‌റ്റേഡിയം മുതല്‍ ഗുജറാത്ത് ടെക് സിറ്റി വരെ 22.8 കിലോമീറ്റര്‍ നീളത്തിലാണ് അഹമ്മദാബാദ് മെട്രോയുടെ രണ്ടാംഘട്ടം പൂര്‍ത്തിയായത്. 40.35 കിലോമീറ്റര്‍ ദൈര്‍ഘ്യത്തിലുള്ള സൂറത്ത് മെട്രോ ആദ്യഘട്ടത്തില്‍ 26 കിലോമീറ്ററും പൂര്‍ത്തിയാക്കി.
Read also: അയോധ്യയിലെ മസ്ജിദ് നിര്‍മാണം റിപ്പബ്ളിക്ക് ദിനത്തില്‍ ആരംഭിക്കും
