പാലക്കാട്: രണ്ടാം വന്ദേ ഭാരത് ട്രെയിൻ ദക്ഷിണ റെയിൽവേക്ക് കൈമാറി. കഴിഞ്ഞ ദിവസം രാത്രി 8.45നാണ് ട്രെയിൻ ചെന്നൈ ഇന്റഗ്രൽ കോച്ച് ഫാക്‌ടറിക്ക് പുറത്തെത്തിച്ചത്. പാലക്കാട് ഡിവിഷനിൽ നിന്നെത്തിയ എഞ്ചിനിയർക്കാണ് ട്രെയിൻ കൈമാറിയത്. ട്രെയിൻ നാളെ മംഗലാപുരത്ത് എത്തിയേക്കും. മംഗലാപുരം- എറണാകുളം റൂട്ടിൽ സർവീസിന് തയ്യാറെടുക്കാൻ പാലക്കാട് ഡിവിഷന് നേരത്തെ നിർദ്ദേശം നൽകിയിരുന്നു.
മംഗലാപുരം-കോട്ടയം, മംഗലാപുരം-കോയമ്പത്തൂർ, മംഗളൂരു- തിരുവനന്തപുരം, മംഗളൂരു-ഗോവ റൂട്ടുകളും പരിഗണനയിലുണ്ട്. വിഷയത്തിൽ റെയിൽവേ ബോർഡ് തീരുമാനം ഒരാഴ്‌ചക്കുള്ളിൽ ഉണ്ടാകും. നിലവിലെ ചാരവും നീലയും നിറമുള്ള ട്രെയിനുകൾക്ക് പകരം കാവിയും ചാരവും നിറമുള്ള ട്രെയിനുകളാണ് പുതുതായി അനുവദിച്ചിട്ടുള്ളത്. നിലവിലെ വന്ദേഭാരതിൽ നിന്നും 25 മാറ്റങ്ങൾ പുതിയ ട്രെയിനിൽ ഉണ്ട്.
Most Read| ഇന്ത്യയുടെ ആദ്യ സൂര്യ പഠന ദൗത്യം; ആദിത്യ എൽ 1 വിക്ഷേപണം ഇന്ന്
