ഇടുക്കി: ജില്ലയിലെ പൂപ്പാറയിൽ ഇതര സംസ്ഥാനക്കാരിയായ പെൺകുട്ടിക്ക് നേരെ ലൈംഗികാതിക്രമം. ഇന്നലെ വൈകുന്നേരത്തോടെയാണ് സംഭവം ഉണ്ടായത്. സുഹൃത്തിനൊപ്പം പൂപ്പാറ കാണാനെത്തിയ 15 വയസുകാരിയായ പെൺകുട്ടിയെ പ്രദേശവാസികളായ നാലു പേര് ചേർന്ന് ആക്രമിക്കുകയായിരുന്നു.
തേയിലത്തോട്ടത്തിൽ സുഹൃത്തിനൊപ്പം സംസാരിക്കുകയായിരുന്ന പെൺകുട്ടിയെ പൂപ്പാറ സ്വദേശികളായ നാല് പേരാണ് ആക്രമിച്ചത്. സുഹൃത്തിനെ മര്ദ്ദിക്കുകയും പെൺകുട്ടിയെ ലൈംഗീകാതിക്രമത്തിന് ഇരയാക്കുകയും ചെയ്തു. പരാതിയുടെ അടിസ്ഥാനത്തിൽ ഇന്നലെ തന്നെ പോലീസ് കേസെടുത്തിട്ടുണ്ട്. കൂടാതെ ഇന്നലെ തന്നെ പെൺകുട്ടിയെ വൈദ്യപരിശോധനക്ക് വിധേയയാക്കുകയും ചെയ്തു.
കേസിൽ ഇതുവരെ 2 പേരെ കസ്റ്റഡിയിൽ എടുത്തതായാണ് പ്രാഥമിക വിവരം. ഇവരെ നിലവിൽ ചോദ്യം ചെയ്തു വരികയാണ്. കൂടാതെ പ്രതികളിൽ ഒരാൾ പ്രായപൂർത്തി ആകാത്തയാളാണെന്നാണ് വിവരം.
Read also: കണ്ണൂരിലെ കുടിവെള്ള സ്രോതസുകളിൽ കോളിഫോം ബാക്ടീരിയയുടെ സാന്നിധ്യം