പരിയാരം: ജില്ലയിലെ ചില കുടിവെള്ള സ്രോതസുകളിൽ കോളിഫോം, ഇ–കോളി ബാക്‌ടീരിയകളുടെ സാന്നിധ്യം. ആരോഗ്യ വകുപ്പ് പ്രതിരോധ പ്രവർത്തനം ശക്‌തമാക്കി. ജലസ്രോതസുകളിൽ ക്‌ളോറിനേഷൻ നടത്തിയും മാലിന്യം കെട്ടിക്കിടക്കുന്നത് നീക്കിയുമാണ് പ്രതിരോധ നടപടികൾക്ക് തുടക്കമിട്ടത്. കഴിഞ്ഞ ദിവസം പരിയാരം ഗവ. ആയുർവേദ കോളജ് ആശുപത്രിയിലെ കുടിവെള്ളത്തിൽ ഇ- കോളി ബാക്‌ടീരിയ കണ്ടെത്തിയിരുന്നു.
ജല അതോറിറ്റിയുടെ സ്രോതസുകളിൽ കുടിവെള്ളം ശുദ്ധീകരിച്ചാണ് നൽകുന്നത്‌. എന്നാൽ മറ്റ് ഉറവിടങ്ങളിലെയും കിണറുകളിലെയും വെള്ളം പരിശോധിച്ചാലേ ഗുണനിലവാരം ഉറപ്പുവരുത്താനാകൂ. അതിനാൽ തിളപ്പിച്ചാറിയ വെള്ളം മാത്രമേ കുടിക്കാവൂ എന്ന് ആരോഗ്യവിഭാഗം മുന്നറിയിപ്പ് നൽകുന്നു. 80 ഡിഗ്രി സെൽഷ്യസിൽ 2 മിനിറ്റ് വെള്ളം തിളപ്പിക്കണം. ബ്‌ളീച്ചിങ്, ക്‌ളോറിനേഷൻ എന്നിവ വ്യാപകമാക്കാൻ വ്യക്‌തികളും തദ്ദേശ സ്‌ഥാപനങ്ങളും ശ്രദ്ധിക്കണം.
Most Read: വിമാനടിക്കറ്റ് റദ്ദാക്കി; വിജയ് ബാബുവിന്റെ മടങ്ങിവരവിൽ അവ്യക്‌തത
