പാലക്കാട്: കോണ്‍ഗ്രസ് പ്രവര്‍ത്തകരുടെ ആത്‌മവീര്യം നേതാക്കള്‍ തകര്‍ക്കരുതെന്ന് യൂത്ത് കോണ്‍ഗ്രസ് സംസ്‌ഥാന പ്രസിഡണ്ട് ഷാഫി പറമ്പില്‍ എംഎല്‍എ. സുധാകരന്‍ ഉള്‍പ്പടെയുള്ള മുതിര്‍ന്ന നേതാക്കള്‍ക്കെതിരെയാണ് എംഎല്‍എയുടെ രൂക്ഷ വിമര്‍ശനം.
തദ്ദേശ തിരഞ്ഞെടുപ്പില്‍ ഉണ്ടായ കനത്ത തോല്‍വിയെ തുടര്‍ന്ന് കോണ്‍ഗ്രസിനകത്ത് തന്നെ ആരോപണങ്ങളും മറ്റും ഉണ്ടായ സാഹചര്യത്തിലാണ് ഷാഫി പറമ്പില്‍ എംഎല്‍എയുടെ പ്രതികരണം. പ്രവര്‍ത്തകരുടെ ആത്‌മവീര്യം തകര്‍ക്കുന്ന സമീപനം കോണ്‍ഗ്രസ് നേതാക്കളുടെ ഭാഗത്ത് നിന്നുണ്ടാവരുതെന്ന് പാലക്കാട് വെച്ച് എംഎല്‍എ പറഞ്ഞു.
ഒരു മണിക്കൂറില്‍ മൂന്ന് അഭിപ്രായം പാടില്ല. കൂടാതെ തിരഞ്ഞെടുപ്പ് തോല്‍വിയില്‍ എല്ലാവര്‍ക്കും കൂട്ടായ ഉത്തരവാദിത്തമുണ്ടെന്നും പരസ്‌പരം വിമര്‍ശിക്കുകയല്ല വേണ്ടെന്നും ഷാഫി വ്യക്‌തമാക്കി. മാത്രവുമല്ല ഇപ്പോള്‍ ഉണ്ടായ തോല്‍വി കൊണ്ടൊന്നും യുഡിഎഫ് ഒലിച്ചു പോകില്ലെന്നും അങ്ങനെ വരുത്തി തീര്‍ക്കാന്‍ ശ്രമിക്കുന്നത് ശരിയല്ലെന്നും ഷാഫി പറമ്പില്‍ കൂട്ടിച്ചേര്‍ത്തു.
Malabar News: ആര്‍മി റിക്രൂട്ട്മെന്റ് ഡയറക്‌ടര്‍ ജനറലായി ചുമതലയേറ്റ് കോഴിക്കോട് സ്വദേശി
