ഷാർജ: മിഡിൽ ഈസ്‌റ്റിലെ മികച്ച വിമാനത്താവളത്തിനുള്ള അവാർഡ് നേടി ഷാർജ വിമാനത്താവളം. ഒപ്പം തന്നെ എയര്‍പോര്‍ട്ട് കൗണ്‍സില്‍ ഇന്റര്‍നാഷണല്‍ നല്‍കുന്ന വോയ്‌സ് ഓഫ് കസ്‌റ്റമര്‍ അംഗീകാരവും ഇത്തവണ നേടിയത് ഷാർജ വിമാനത്താവളമാണ്. ലോകമെമ്പാടുമുള്ള 253 വിമാനത്താവളങ്ങളില്‍ നിന്നാണ് ഷാര്‍ജ വിമാനത്താവളത്തെ തിരഞ്ഞെടുത്ത്.
പ്രതിവര്‍ഷം 50 ലക്ഷം മുതല്‍ 1.5 കോടി വരെയുള്ള യാത്രക്കാരുടെ വിഭാഗത്തിലാണ് ഷാര്‍ജ വിമാനത്താവളത്തിന് അംഗീകാരം ലഭിച്ചത്. കൂടാതെ കോവിഡ് വെല്ലുവിളികൾ ഉണ്ടായിരുന്ന സമയത്തും യാത്രക്കാർക്ക് മികച്ച സേവനം നൽകാൻ ഷാർജ വിമാനത്താവളത്തിന് കഴിഞ്ഞെന്നും, ഇതിൽ അഭിമാനമുണ്ടെന്നും എസിഐയുടെ ഏഷ്യ പസഫിക് ഡയറക്‌ടർ ജനറല്‍ സ്‌റ്റെഫാനോ ബാരോണ്‍സി വ്യക്‌തമാക്കി.
Read also: വടക്കുകിഴക്കൻ സംസ്‌ഥാനങ്ങളിലെ അഫ്‌സ്‌പ പിൻവലിക്കാൻ കേന്ദ്രം
