കണ്ണൂര് : ജില്ലയില് വീണ്ടും ഷിഗെല്ല രോഗം സ്ഥിരീകരിച്ചു. കണ്ണൂരിലെ ചിറ്റാരിപ്പറമ്പ് സ്വദേശിയായ 6 വയസുകാരനാണ് രോഗബാധ ഉണ്ടായത്. ഷിഗെല്ല സ്ഥിരീകരിച്ച കുട്ടി നിലവില് കണ്ണൂരിലെ സ്വകാര്യ ആശുപത്രിയിൽ ചികില്സയില് കഴിയുകയാണ്. കുട്ടിയുടെ ആരോഗ്യനിലയില് നിലവില് പ്രശ്നങ്ങള് ഒന്നുമില്ലെന്നും, ആരോഗ്യനില തൃപ്തികരമാണെന്നും ആശുപത്രി അധികൃതര് വ്യക്തമാക്കി.
ജില്ലയില് കഴിഞ്ഞ ഡിസംബറിലാണ് ഒരാള്ക്ക് ഷിഗെല്ല സ്ഥിരീകരിച്ചത്. ഇയാള് വിദേശത്തു നിന്നും എത്തിയതിന് പിന്നാലെയാണ് രോഗബാധ ഉണ്ടായത്. അതിന് ശേഷം ഇപ്പോഴാണ് വീണ്ടും ജില്ലയില് ഷിഗെല്ല സ്ഥിരീകരിക്കുന്നത്. ഇതിനെ തുടര്ന്ന് കുട്ടിയുടെ വീടും പരിസരവും ആരോഗ്യപ്രവര്ത്തകര് പരിശോധിക്കുകയും, പ്രതിരോധ പ്രവര്ത്തനങ്ങള് ആരംഭിക്കുകയും ചെയ്തിട്ടുണ്ട്.
ജില്ലയില് വീണ്ടും ഷിഗെല്ല സ്ഥിരീകരിച്ച സാഹചര്യത്തില് ആളുകള് കൂടുത ജാഗ്രത പാലിക്കണമെന്ന് ആരോഗ്യപ്രവര്ത്തകര് മുന്നറിയിപ്പ് നല്കി. കൂടാതെ എന്തെങ്കിലും തരത്തിലുള്ള രോഗലക്ഷണങ്ങള് പ്രകടമാകുന്ന ആളുകള് ഉടന് തന്നെ ആരോഗ്യ പ്രവര്ത്തകരെ വിവരം അറിയിക്കണമെന്നും ആരോഗ്യവകുപ്പ് നിര്ദേശം നല്കിയിട്ടുണ്ട്.
Read also : ഓൺലൈൻ വായ്പാ തട്ടിപ്പ്; അന്വേഷണം ക്രൈം ബ്രാഞ്ചിന്