ന്യൂഡെൽഹി: നേതാജി റിസർച്ച് ബ്യൂറോയുടെ നേതൃത്വത്തിൽ നൽകിവരുന്ന നേതാജി പുരസ്‌കാരം ജപ്പാൻ മുൻ പ്രധാനമന്ത്രി ഷിൻസോ ആബെക്ക് നൽകി. സുഭാഷ് ചന്ദ്രബോസിന്റെ 125ആം ജൻമവാർഷിക ദിനത്തിൽ നടന്ന ചടങ്ങിൽ ആബെയെ പ്രതിനിധീകരിച്ച് കൊൽക്കത്തയിലെ ജപ്പാൻ കോൺസൽ ജനറലായ നകമുറ യുതകയാണ് പുരസ്‌കാരം ഏറ്റുവാങ്ങിയത്.
സുഭാഷ് ചന്ദ്രബോസിന്റെ എൽജിൻ റോഡിലെ വസതിയിലാണ് ചടങ്ങുകൾ നടന്നത്. ഇന്ത്യയിലെ ജാപ്പനീസ് അംബാസഡറായ സതോഷി സുസുക്കി വിർച്വലായി ചടങ്ങിൽ പങ്കെടുത്തു. നേതാജിയുടെ വലിയ ആരാധകനാണ് ആബെയെന്ന് മരുമകൻ സുഗത ബോസ് അഭിപ്രായപ്പെട്ടു. നേതാജി റിസർച്ച് ബ്യൂറോയുടെ നിലവിലെ ഡയറക്‌ടർ കൂടിയാണ് സുഗത ബോസ്.
Also Read: ഒഎൽഎക്‌സ് വഴി ജോലി വാഗ്‌ദാനം ചെയ്‌ത്‌ തട്ടിപ്പ്; പ്രതി പിടിയിൽ
