മലപ്പുറം : ജില്ലയിൽ ചാലിയാർ പുഴക്ക് സമീപത്തായി തലയോട്ടി കണ്ടെത്തി. ഇന്ന് ഉച്ചയോടെ നാട്ടുകാരാണ് ആദ്യം തലയോട്ടി കണ്ടെത്തിയത്. തുടർന്ന് നാട്ടുകാർ വിവരം അറിയിച്ചതിനെ തുടർന്ന് എടവണ്ണ പോലീസ് സ്‌ഥലത്തെത്തി പരിശോധന നടത്തി.
മുണ്ടേങ്ങര കൊളപ്പാട് കടവിനടുത്ത് നിന്നാണ് തലയോട്ടി കണ്ടെത്തിയത്. കനത്ത മഴയെ തുടർന്ന് ഇവിടങ്ങളിൽ പുഴയിലെ വെള്ളം കയറിയിരുന്നു. ഇപ്പോൾ വെള്ളം ഇറങ്ങിയതോടെയാണ് തീരത്ത് നിന്നും തലയോട്ടി കണ്ടെത്തിയത്. നിലവിൽ തലയോട്ടിയുടെ അളവും തൂക്കവും മറ്റും രേഖപ്പെടുത്തിയിട്ടുണ്ട്. കൂടാതെ ഇത് വിദഗ്‌ധ പരിശോധനക്കായി ഫോറൻസിക് ലാബിലേക്ക് അയക്കുമെന്നും എടവണ്ണ പോലീസ് വ്യക്‌തമാക്കി.
Read also : പെഗാസസ്; ഹിരോഷിമയിലെ അണുബോംബിന് സമമെന്ന് സഞ്‌ജയ് റാവത്ത്
