കണ്ണൂർ: സിപിഐഎം കണ്ണൂർ ജില്ലാ സെക്രട്ടറി എംവി ജയരാജൻ്റെ ആരോഗ്യനിലയിൽ നേരിയ പുരോഗതിയെന്ന് പ്രത്യേക മെഡിക്കൽ ബോർഡ് യോഗം വിലയിരുത്തി. അടുത്ത രണ്ടുദിവസത്തെ ആരോഗ്യപുരോഗതി ഏറെ പ്രധാനമാണെന്നും മെഡിക്കൽ ബോർഡ് അറിയിച്ചു.
കോവിഡിനൊപ്പം ന്യുമോണിയയും രൂക്ഷമായിരുന്നു. ജയരാജനെ പരിശോധിക്കാൻ തിരുവനന്തപുരം മെഡിക്കൽ കോളജ് ആശുപത്രിയിൽ നിന്നുള്ള വിദഗ്‌ധ സംഘം ഇന്നലെയാണ് കണ്ണൂരിൽ എത്തിയത്. ക്രിട്ടിക്കൽ കെയർ വിദഗ്‌ധരായ ഡോ. അനിൽ സത്യദാസ്, ഡോ. സന്തോഷ് കുമാർ എന്നിവരാണ് സംഘത്തിലുള്ളത്‌.
പ്രമേഹവും ഉയർന്ന രക്‌ത സമ്മർദ്ദവും നിലവിൽ നിയന്ത്രണ വിധേയമായിട്ടുണ്ട്‌. രക്‌തത്തിൽ ഓക്‌സിജന്റെ അളവ്‌ കുറഞ്ഞതിനാൽ സി-പാപ്പ്‌ വെന്റിലേറ്ററിന്റെ സഹായത്തോടെ അത്‌ സാധാരണ നിലയിലേക്ക്‌ ക്രമീകരിച്ചിട്ടുണ്ട്‌. എങ്കിലും ഗുരുതരവസ്‌ഥ കണക്കാക്കി ചികിൽസ തുടരുകയാണെന്ന് കണ്ണൂർ മെഡിക്കൽ കോളേജിലെ ഡോക്‌ടർമാർ വ്യക്‌തമാക്കി.
Read also: ‘പിവി അൻവർ എംഎൽയെ കാണാനില്ല’; പരാതിയുമായി യൂത്ത് കോൺഗ്രസ്
