തിരുവനന്തപുരം: വിഷു പ്രമാണിച്ച് ചെന്നൈയിലേക്കുള്ള കനത്ത തിരക്ക് കണക്കിലെടുത്ത് തിരുവനന്തപുരം-ചെന്നൈ റൂട്ടിൽ രണ്ട് സ്‌പെഷ്യൽ സർവീസുകൾ നടത്താൻ തീരുമാനിച്ച് കെഎസ്ആർടിസി. 17ആം തീയതി വൈകുന്നേരം 6.30നും, 7.30നുമാണ് സർവീസുകൾ നടത്താൻ തീരുമാനിച്ചിരിക്കുന്നത്.
ആലപ്പുഴ, എറണാകുളം, തൃശൂർ, പാലക്കാട് സേലം വഴിയാണ് 6.30ന് നടത്തുന്ന സർവീസ്. 2,181 രൂപയാണ് ടിക്കറ്റ് ചാർജ്. 7.30നുള്ളത് നാഗർകോവിൽ, മധുര വഴിയാണ് സർവീസ് നടത്തുന്നത്. ഇതിന് 1,953 രൂപയാണ് ടിക്കറ്റ് ചാർജ്.
സ്‌പെഷ്യൽ സർവീസ് നടത്തുന്നതിനായി കെഎസ്ആർടിസി സ്വിഫ്റ്റ് എസി സെമി സ്ളീപ്പർ ബസുകളാണ് ഉപയോഗിക്കുന്നത്. കൂടാതെ ഇവയുടെ മടക്ക സർവീസ് ചെന്നൈയിൽ നിന്നും 18ന് വൈകിട്ട് 6.30നും 7.30നും ഉണ്ടാകും.
Read also: കെ സ്വിഫ്റ്റ് അപകടങ്ങൾ; ഡ്രൈവർമാരെ സർവീസിൽ നിന്ന് നീക്കി
