കീഴുപറമ്പ്: ഗ്രാമപഞ്ചായത്തിലെ നോര്‍ത്ത് കീഴുപറമ്പില്‍ തെരുവുനായ ശല്യം രൂക്ഷമാകുന്നു. നായയുടെ ആക്രമണത്തില്‍ പ്രദേശത്തെ എട്ടുപേര്‍ക്ക് പരിക്കേറ്റു.
ബുധനാഴ്‌ച രാവിലെയാണ് സംഭവം. മൂന്ന് വയസുകാരി ഉള്‍പ്പടെ എട്ടുപേര്‍ക്കാണ് നായുടെ കടിയേറ്റത്. രാവിലെ പ്രദേശത്ത് ഇറച്ചി വാങ്ങാന്‍ വന്നവരെയും വീടിന് പുറത്ത് നിന്നവരെയും തെരുവുനായ ആക്രമിക്കുകയായിരുന്നു.
പരിക്കേറ്റവരില്‍ ആറുപേര്‍ കോഴിക്കോട് മെഡിക്കല്‍ കോളേജ് ആശുപത്രിയിലും രണ്ടുപേര്‍ മഞ്ചേരി മെഡിക്കല്‍ കോളേജ് ആശുപത്രിയിലും ചികിൽസ തേടി. എട്ടുപേര്‍ക്കും ശരീരത്തില്‍ പലയിടങ്ങളിലായി കടിയേറ്റിട്ടുണ്ട്. കീഴുപറമ്പ് പുഴയുടെ അക്കരെയുള്ള വെട്ടുപാറയിലും സമാനമായ രീതിയില്‍ ചൊവ്വാഴ്‌ച രാത്രി നാലുപേരെ തെരുവുനായ ആക്രമിച്ചിരുന്നു.
Malabar News: അമ്മയ്‌ക്കും മക്കൾക്കും നേരെ എയർഗൺ ഉപയോഗിച്ച് നിറയൊഴിച്ച യുവാവ് ആശുപത്രിയിൽ
