തിരുവനന്തപുരം: ബാലരാമപുരത്ത് വ്യാപാരിയെ തൂങ്ങിമരിച്ച നിലയിൽ കണ്ടെത്തി. ബാലരാമപുരത്ത് ബേക്കറി കട നടത്തുന്ന മുരുകനെയാണ് (40) ആത്മഹത്യ ചെയ്ത നിലയിൽ കണ്ടെത്തിയത്.
കോവിഡ് പ്രതിസന്ധിയെ തുടർന്ന് കടയിൽ വരുമാനം കുറഞ്ഞതോടെ സാമ്പത്തിക ബുന്ധിമുട്ടിലാണെന്ന് ഇയാൾ വീട്ടുകാരുമായി സംസാരിച്ചിരുന്നെന്ന് കുടുംബാംഗങ്ങൾ പറഞ്ഞു. സാമ്പത്തിക ഞെരുക്കത്തിൽ മനംനൊന്താണ് ഇയാൾ ആത്മഹത്യ ചെയ്തതെന്നാണ് പോലീസിന്റെ നിഗമനം. പോലീസെത്തി തുടർനടപടികൾ സ്വീകരിച്ചു.
അതേസമയം, കോവിഡ് പ്രതിസന്ധിയെ തുടർന്ന് വ്യാപാരികളുടെ ആത്മഹത്യകൾ സംസ്ഥാനത്ത് തുടർക്കഥയാവുകയാണ്. സംസ്ഥാനത്തു ഇന്ന് നടന്ന രണ്ടാമത്തെ ആത്മഹത്യയാണിത്. ഇന്ന് തന്നെ കോട്ടയം ജില്ലയിലെ ഏറ്റുമാനൂരിലെ ഒരു വ്യാപാരിയും ആത്മഹത്യ ചെയ്തിരുന്നു. പുന്നത്തറ കറ്റോട് ജംഗ്ഷനിലെ ചായക്കട നടത്തുകയായിരുന്ന കെടി തോമസാണ് സ്വന്തം കടയ്ക്കുള്ളിൽ തൂങ്ങി മരിച്ചത്.
Read Also: സംസ്ഥാനത്ത് വീണ്ടും ആത്മഹത്യ; കോട്ടയത്ത് വ്യാപാരി കടയ്ക്കുള്ളിൽ തൂങ്ങിമരിച്ചു