ന്യൂഡെൽഹി: നടിയെ ആക്രമിച്ച കേസിൽ വിചാരണ പൂർത്തിയാക്കാൻ കൂടുതൽ സമയം അനുവദിക്കണമെന്ന് ആവശ്യപ്പെട്ട് വിചാരണ കോടതി സമർപ്പിച്ച അപേക്ഷ സുപ്രീം കോടതി അംഗീകരിച്ചു. വിചാരണ പൂർത്തിയാക്കാൻ 6 മാസത്തെ സമയം കൂടിയാണ് സുപ്രീം കോടതി അനുവദിച്ചത്. ജസ്റ്റിസ് എഎം ഖാൻവിൽക്കർ അധ്യക്ഷനായ ബെഞ്ചാണ് അപേക്ഷ പരിഗണിച്ചത്.
ഈ മാസം വിചാരണ പൂർത്തിയാക്കി കേസിൽ വിധി പറയണമെന്നാണ് സുപ്രീം കോടതി നേരത്തെ വിചാരണ കോടതിക്ക് നിർദ്ദേശം നൽകിയിരുന്നത്. എന്നാൽ സംസ്ഥാനത്ത് കോവിഡ് സാഹചര്യം രൂക്ഷമായതിനാൽ വിചാരണ പൂർത്തിയാക്കാൻ സാധിച്ചിട്ടില്ലെന്നും, അതിനാൽ 6 മാസത്തെ സമയം കൂടി അനുവദിക്കണമെന്നുമാണ് വിചാരണ കോടതി ജഡ്ജി ഹണി എം വർഗീസ് അപേക്ഷയിൽ വ്യക്തമാക്കിയിരുന്നത്. നിലവിൽ മൂന്നാം തവണയാണ് വിചാരണ പൂർത്തിയാക്കാൻ സുപ്രീം കോടതി കൂടുതൽ സമയം അനുവദിക്കുന്നത്.
Read also: രണ്ട് ദിവസത്തെ സന്ദർശനം; രാഹുൽ ഗാന്ധി കരിപ്പൂരിൽ വിമാനമിറങ്ങി