ന്യൂഡെൽഹി: കേരള നിയമസഭയിൽ ഗവർണർ ആരിഫ് മുഹമ്മദ് ഖാൻ നടത്തിയ നയപ്രഖ്യാപന പ്രസംഗത്തിലെ മുല്ലപ്പെരിയാർ ഡാം വിഷയം സുപ്രീം കോടതിയിലേക്ക്. തമിഴ്‌നാട് സർക്കാരാണ് സുപ്രീം കോടതിയെ സമീപിക്കാൻ ഒരുങ്ങുന്നത്.
മുല്ലപ്പെരിയാറിൽ പുതിയ അണക്കെട്ട് നിർമിക്കുമെന്നാണ് ഗവർണർ നയപ്രഖ്യാപന പ്രസംഗത്തിൽ വ്യക്‌തമാക്കിയത്‌. എന്നാൽ ഗവർണറുടെ പ്രഖ്യാപനം സുപ്രീം കോടതി ഉത്തരവിന് വിരുദ്ധമാണെന്നും, ഇക്കാര്യം കോടതിയെ അറിയിക്കുമെന്നുമാണ് തമിഴ്‌നാട് സർക്കാർ വ്യക്‌തമാക്കുന്നത്‌.
കൂടിയാലോചനകളില്ലാതെ പ്രഖ്യാപനങ്ങൾ നടത്തുന്നത് ശരിയല്ലെന്നാണ് തമിഴ്‌നാട് വ്യക്‌തമാക്കുന്നത്‌. ഈ സാഹചര്യത്തിലാണ് മുല്ലപ്പെരിയാർ അണക്കെട്ട് സംബന്ധിച്ച ഗവർണറുടെ പ്രഖ്യാപനത്തിൽ സുപ്രീം കോടതിയെ സമീപിക്കാൻ തമിഴ്‌നാട് തീരുമാനിച്ചിരിക്കുന്നത്.
Read also: ഉപ്പിലിട്ട ഭക്ഷണങ്ങൾക്ക് വിലക്ക്; നടപടിക്കെതിരെ സിഐടിയു; തിങ്കളാഴ്‌ച ചർച്ച
