ദുബായ്: രാജ്യത്ത് പെട്രോൾ വിലയിൽ ഉണ്ടായ വർധനയെ തുടർന്ന് ദുബായിലും ഷാർജയിലും ടാക്സി നിരക്കിൽ ആനുപാതിക വർധന. ദുബായിൽ മിനിമം നിരക്കിൽ വർധനയില്ല. മിനിമം നിരക്ക് 12 ദിർഹമായി തന്നെ തുടരും. എന്നാൽ അധികമായി ഓടുന്ന ഓരോ കിലോമീറ്ററിനും 20 ഫിൽസ് കൂടുതൽ നൽകേണ്ടി വരും.
ദുബായിൽ കിലോമീറ്റർ നിരക്ക് 1.98 ദിർഹമായിരുന്നത് 2.19 ദിർഹമായി മാറുമെന്ന് ടാക്സി ഡ്രൈവർമാർ വ്യക്തമാക്കി. എന്നാൽ ഷാർജയിൽ മിനിമം നിരക്ക് വർധിപ്പിച്ചു. 13.50 ദിർഹമായിരുന്ന മിനിമം നിരക്ക് 17.50 ആയാണ് വർധിപ്പിച്ചത്. അതേസമയം ഇന്ധന വില കുറയുമ്പോൾ ഷാർജയിൽ ടാക്സി നിരക്കും കുറയും.
ദുബായിലെ ബസ്, മെട്രോ, ട്രാം, ബോട്ട് നിരക്കുകളിൽ മാറ്റമില്ല. ദുബായുടെ എല്ലാ മേഖലകളെയും ഈ പൊതുഗതാഗത സംവിധാനം വഴി ബന്ധപ്പിച്ചിട്ടുണ്ടെന്നും ആർടിഎ വ്യക്തമാക്കി.
Read also: എകെജി സെന്റർ ആക്രമണം; സഭാ നടപടി നിർത്തിവച്ച് ചർച്ച ചെയ്യാൻ തയ്യാറെന്ന് മുഖ്യമന്ത്രി