ആലപ്പുഴ: ടെമ്പോ ട്രാവലർ വാൻ കത്തി ഡ്രൈവർ മരിച്ചു. കണിച്ചുകുളങ്ങരയിൽ ഇന്ന് പുലർച്ചെ അഞ്ചരയോടെയാണ് സംഭവം. അരൂർ ചന്തിരൂർ സ്വദേശി രാജീവൻ (45)ആണ് മരിച്ചത്. കണിച്ചുകുളങ്ങര ജംഗ്‌ഷന്‌ സമീപം നിർത്തിയിട്ടിരുന്ന വാഹനത്തിനാണ് തീ പിടിച്ചത്. അതേസമയം, മാനസിക പ്രയാസത്തെ തുടർന്ന് രാജീവൻ ആത്‍മഹത്യ ചെയ്‌തതാണെന്നാണ് പോലീസും ബന്ധുക്കളും സംശയിക്കുന്നത്.
ചന്തിയൂർ സ്വദേശി അജയന്റെ ഉടമസ്‌ഥതയിലുള്ള വാഹനത്തിനാണ് തീ പിടിച്ചത്. വാഹനം പൂർണമായി കത്തിനശിച്ചു. അജയൻ നടത്തുന്ന ഫുഡ് പ്രൊസസിംഗ് കമ്പനിയിലെ ജീവനക്കാരനാണ് മരിച്ച രാജീവൻ. സംഭവത്തിൽ ആർത്തുങ്കൽ പോലീസ് അന്വേഷണം ആരംഭിച്ചിട്ടുണ്ട്.
Read Also: സുപ്രിംകോടതി വിധി; ബാധിക്കുന്നത് ജില്ലയിലെ ഇരുപതോളം ക്വാറികളെ
