പനാജി: ഇന്ത്യൻ ടെന്നീസ് താരം ലിയാൻഡർ പേസ് തൃണമൂൽ കോൺഗ്രസിൽ ചേർന്നു. പേസ് തൃണമൂലിലെത്തുന്ന വിവരം ബംഗാൾ മുഖ്യമന്ത്രി മമതാ ബാനർജി ഔദ്യോഗികമായി പ്രഖ്യാപിച്ചു. തനിക്ക് ഇളയ സഹോദരനെപ്പോലെയാണ് പേസെന്നും മമത കൂട്ടിച്ചേർത്തു. സിനിമ താരം നഫീസ അലിയും പാർട്ടി അംഗത്വം സ്വീകരിച്ചിരുന്നു. പ്രമുഖരെ പാര്ട്ടിയില് അണിനിരത്തി 2022ലെ നിയമസഭാ തിരഞ്ഞെടുപ്പില് ഗോവയില് ചുവടുറപ്പിക്കാനാണ് മമത ലക്ഷ്യമിടുന്നത്.
മൂന്നുദിവസത്തെ സന്ദർശനത്തിന് ബംഗാൾ മുഖ്യമന്ത്രി മമതാ ബാനർജി വ്യാഴാഴ്ച വൈകിട്ട് ഗോവയിലെത്തിയിരുന്നു. മുഖ്യമന്ത്രിയെ തൃണമൂല് എംപി ഡെറിക് ഒബ്രിയാന്, മറ്റു പ്രമുഖ നേതാക്കള് തുടങ്ങിയവര് സ്വീകരിച്ചു. വെള്ളിയാഴ്ച വൈകിട്ട് സമുദായ പ്രതിനിധികളുമായി മമത കൂടിക്കാഴ്ച നടത്തും. തിരഞ്ഞെടുപ്പിന് മുന്നോടിയായി ബിജെപി ഭരിക്കുന്ന സംസ്ഥാനത്തിന്റെ രാഷ്ട്രീയം മനസിലാക്കുകയാണ് മമതയുടെ സന്ദര്ശന ലക്ഷ്യം. ബംഗാളില് നേടിയ വന് വിജയത്തിന്റെ ആത്മവിശ്വാസത്തിൽ ബിജെപി ഭരിക്കുന്ന സംസ്ഥാനങ്ങളായ ഗോവയും ത്രിപുരയും പിടിച്ചെടുക്കുകയാണ് തൃണമൂലിന്റെ അടുത്ത ലക്ഷ്യം.
Read also: പോലീസുകാരെ ആക്രമിച്ച കേസ്; ഛോട്ട രാജൻ കുറ്റവിമുക്തൻ