ഗോവ: ഏഴാം സീസണിലെ പ്രതീക്ഷകൾ അസ്‌തമിച്ച ബ്ളാസ്‌റ്റേഴ്‌സ് ജയം തേടിയിറങ്ങുന്നു. യുവനിരയുമായി വന്ന് ഇക്കുറി കറുത്ത കുതിരകളായി മാറിയ ഹൈദരാബാദ് എഫ്‌സിയാണ് എതിരാളികൾ. ഗോവയിലെ വാസ്‌കോയിലെ തിലക് മൈതാൻ സ്‌റ്റേഡിയത്തിലാണ് മൽസരം. കഴിഞ്ഞ മൽസരത്തിൽ ഒരു ഗോളിന് പിന്നിൽ നിന്നിട്ടും തിരിച്ചടിച്ചാണ് ഹൈദരാബാദ് ഈസ്‌റ്റ് ബംഗാളിന് എതിരെ സമനില നേടിയത്.
ഒഡീഷ എഫ്‌സിയുമായി 2-2 സമനിലയിൽ പിരിഞ്ഞാണ് കേരള ബ്ളാസ്‌റ്റേഴ്‌സ് ഈ മൽസരത്തിലേക്ക് വരുന്നത്. കേരള ബ്ളാസ്‌റ്റേഴ്‌സിന് 17 കളികളിൽ നിന്ന് 16 പോയിന്റേയുള്ളൂ. അവശേഷിക്കുന്ന എല്ലാ മൽസരങ്ങളിലും വിജയിച്ചാലും അവർക്ക് പ്ളേ ഓഫ് സാധ്യതകൾ കുറവാണ്. എങ്കിലും ജയത്തോടെ ആരാധകർക്ക് നല്ലൊരു വിരുന്നൊരുക്കാനാവും ശ്രമിക്കുക. വൈകീട്ട് 7.30നാണ് മൽസരം ആരംഭിക്കുക.
Read Also: രാജ്യാന്തര ചലച്ചിത്രമേള; കൊച്ചി എഡിഷന് നാളെ തുടക്കമാവും
