പാലക്കാട്: കൊഴിഞ്ഞാംപാറയില്‍ നിന്ന് രണ്ടുവര്‍ഷം മുന്‍പ് കാണാതായ പതിനാലുകാരിയെ മധുരയിലെ വാടകവീട്ടില്‍ നിന്ന് കണ്ടെത്തി. ഇവര്‍ക്കൊപ്പം നാലുമാസം പ്രായമുള്ള കുഞ്ഞും ഉണ്ടായിരുന്നെന്ന് ജില്ലാ ക്രൈംബ്രാഞ്ച് സംഘം പറഞ്ഞു. പെണ്‍കുട്ടിയുടെ കൂടെ താമസിച്ച യുവാവിനായി അന്വേഷണം തുടരുകയാണ്. 2019ലാണ് കൊഴിഞ്ഞാംപാറയില്‍ നിന്ന് പെണ്‍കുട്ടിയെ കാണാതായത്.
പെണ്‍കുട്ടിയെയും കുഞ്ഞിനെയും പാലക്കാട്ടെത്തിച്ച് വൈദ്യപരിശോധനക്ക് ശേഷം കോടതിയില്‍ ഹാജരാക്കി. പെണ്‍കുട്ടിക്ക് പ്രായപൂര്‍ത്തി ആവാത്തതിനാൽ യുവാവിനെതിരെ പോക്‌സോ വകുപ്പ് പ്രകാരം കേസെടുത്താണ് അന്വേഷണം നടക്കുന്നത്.
Read also: ഭക്ഷണത്തെച്ചൊല്ലി തർക്കം; ഹോട്ടലിന്റെ ചില്ലുമേശ തകർത്ത യുവാവ് രക്‌തംവാർന്ന് മരിച്ചു
