കൊയിലാണ്ടി: കണ്ണൂർ-കോഴിക്കോട് ദേശീയ പാതയിലെ ഗതാഗത കുരുക്കിന് പരിഹാരമാകുന്നു. പുതിയ കോരപ്പുഴ പാലത്തിന്റെ ഉൽഘാടനം ഫെബ്രുവരി 17ന് നടക്കും. വൈകീട്ട് അഞ്ചിന് പൊതുമരാമത്ത് വകുപ്പ് മന്ത്രി ജി സുധാകരനാണ് ഉൽഘാടനം നിർവഹിക്കുന്നത്. കാലപ്പഴക്കം കാരണം രണ്ട് വർഷങ്ങൾക്ക് മുൻപാണ് പഴയ പാലം പൊളിച്ചു മാറ്റിയത്. 2019 ജനുവരിയിലാണ് നിർമാണം ആരംഭിച്ചത്.
വിദേശ സാങ്കേതിക വിദ്യകളുടെ സഹായത്തോടെയാണ് പാലം പണിതത്. പഴയ പാലത്തിന്റെ പ്രൗഢി ഒട്ടും ചോരാതെയാണ് നിർമാണം നടത്തിയത്. ഒന്നരമീറ്റർ വീതിയിൽ പാലത്തിന്റെ ഇരു വശങ്ങളിലും നടക്കാനുള്ള വഴിയും ഒരുക്കിയിട്ടുണ്ട്. കിഫ്ബിയിൽ നിന്ന് അനുവദിച്ച 28 കോടിക്കാണ് പാലം നിർമിച്ചത്. ഊരാളുങ്കൽ സർവീസ് സൊസൈറ്റിക്കാണ് നിർമാണ ചുമതല.
Read Also: ഹെൽത്ത് സ്‌ക്വാഡ് പ്രവർത്തനം; ജില്ലയിലെ കോർപറേഷൻ പരിസരത്ത് ശക്‌തമാക്കും
