മെഗാ സ്റ്റാര് മമ്മൂട്ടിയും ലേഡി സൂപ്പര് സ്റ്റാര് മഞ്ജു വാര്യരും ആദ്യമായി ഒന്നിക്കുന്ന ‘ദി പ്രീസ്റ്റി’ന്റെ ചിത്രീകരണം പൂര്ത്തിയായി. നവാഗതനായ ജോഫിന് ടി ചാക്കോ കഥയെഴുതി സംവിധാനം ചെയ്യുന്ന സിനിമയുടെ ചിത്രീകരണം കഴിഞ്ഞ ജനുവരിയില് ആയിരുന്നു ആരംഭിച്ചത്.
നേരത്തെ സിനിമയില് പ്രവര്ത്തിക്കുന്ന ചിലര്ക്ക് കോവിഡ് പോസിറ്റീവായതിനെ തുടര്ന്ന് ഷൂട്ടിംഗ് നിര്ത്തിവെച്ചിരുന്നു. പിന്നീട് ഏഴുദിവസം മുമ്പ് മാത്രമാണ് ചിത്രത്തിന്റെ ഷൂട്ടിംഗ് പുനരാരംഭിച്ചത്. നിഖില വിമല്, സാനിയ ഇയ്യപ്പന്, ശ്രീനാഥ് ഭാസി എന്നിവരും പ്രധാന കഥാപാത്രങ്ങളെ അവതരിപ്പിക്കുന്ന ചിത്രത്തിന്റെ അവസാന ഷെഡ്യൂള് ഇന്ന് അവസാനിച്ചു.
ആന്റോ ജോസഫും ബി ഉണ്ണി കൃഷ്ണനും വി എന് ബാബുവും ചേര്ന്നാണ് ചിത്രം നിര്മ്മിക്കുന്നത്. ‘കൈതി’, ‘രാക്ഷസന്’ തുടങ്ങിയ ചിത്രത്തിലൂടെ ശ്രദ്ധേയയായ ബേബി മോണിക്കയും ചിത്രത്തില് ഒരു പ്രധാന വേഷത്തില് എത്തുന്നുണ്ട്. ജോഫിന്റെ കഥക്ക് ദീപു പ്രദീപും, ശ്യാം മേനോനുമാണ് തിരക്കഥ ഒരുക്കുന്നത്.
ജഗദീഷ്, രമേഷ് പിഷാരടി, ശിവദാസ് കണ്ണൂര്, ശിവജി ഗുരുവായൂര്, ദിനേശ് പണിക്കര്, നസീര് സംക്രാന്തി, മധുപാല്, ടോണി, സിന്ധു വര്മ്മ, അമേയ തുടങ്ങി നിരവധി താരങ്ങളും ചിത്രത്തിലുണ്ട്.
Read Also: ജെ സി ഡാനിയേല് പുരസ്കാരം സംവിധായകന് ഹരിഹരന്