കണ്ണൂർ: ധര്മടത്ത് പിണറായി വിജയനെതിരെ മല്സരിക്കില്ലെന്ന് കെ സുധാകരന് എംപി. അഭ്യൂഹങ്ങളില് അടിസ്ഥാനമില്ല. ആരെയും സന്നദ്ധത അറിയിച്ചിട്ടില്ല. ഡിസിസി സെക്രട്ടറി സി രഘുനാഥ് സ്ഥാനാര്ഥിയാകണം എന്നാണ് അഭിപ്രായമെന്നും കെ സുധാകരൻ പറഞ്ഞു. നേരത്തെ ധർമടത്ത് മുഖ്യമന്ത്രി പിണറായി വിജയനെതിരെ മൽസരിക്കാൻ കെ സുധാകരൻ സന്നദ്ധത അറിയിച്ചതായി റിപ്പോർട്ടുകൾ പുറത്തുവന്നിരുന്നു. ഈ വാർത്തകളോട് പ്രതികരിക്കുകയായിരുന്നു അദ്ദേഹം.
അതേസമയം, ധര്മടത്ത് കോണ്ഗ്രസ് സ്ഥാനാര്ഥിയെ ഉടന് പ്രഖ്യാപിക്കുമെന്ന് കെപിസിസി അധ്യക്ഷന് മുല്ലപ്പള്ളി രാമചന്ദ്രൻ പറഞ്ഞു. കരുത്തനായ സ്ഥാനാർഥിയെ തന്നെയാകും മുഖ്യമന്ത്രി പിണറായി വിജയനെതിരെ മല്സരിപ്പിക്കയെന്നും അദ്ദേഹം വ്യക്തമാക്കിയിരുന്നു. നെയ്യാറ്റിന്കരയില് ആര് സെല്വരാജിന്റെ തിരഞ്ഞെടുപ്പ് കണ്വെന്ഷന് ഉൽഘാടനം ചെയ്തുകൊണ്ടാണ് അദ്ദേഹം ഇക്കാര്യം പറഞ്ഞത്.
Read Also: സിബിഎസ്ഇ ബോർഡ്, പൊതു പരീക്ഷകൾ ഒഴികെയുള്ളവ നേരിട്ട് നടത്തരുത്; ബാലാവകാശ കമ്മീഷൻ