തിരുവനന്തപുരം : സംസ്‌ഥാനത്ത് സിബിഎസ്ഇ ബോർഡ്, പൊതു പരീക്ഷകൾ എന്നിവ ഒഴികെയുള്ള പരീക്ഷകൾ നേരിട്ട് നടത്താൻ പാടില്ലെന്ന് വ്യക്‌തമാക്കി ബാലാവകാശ കമ്മീഷൻ ഉത്തരവ് പുറത്തിറക്കി. സിബിഎസ്ഇ സ്‌കൂളുകളിൽ കുട്ടികളെ നേരിട്ട്പൊ വിളിച്ച് വരുത്തി പൊതുപരീക്ഷ അല്ലാതെയുള്ള പരീക്ഷകൾ നടത്തിയെന്ന പരാതിയെ തുടർന്നാണ് നടപടി സ്വീകരിച്ചത്.
എറണാകുളം ജില്ലയിലാണ് നിരവധി സ്‌കൂളുകളിൽ 9, 11 ക്‌ളാസുകളിലെ കുട്ടികളെ സ്‌കൂളിൽ നേരിട്ട് വിളിച്ച് പരീക്ഷ എഴുതിച്ചത്. ഇതേ തുടർന്നാണ് ഇപ്പോൾ ബാലാവകാശ കമ്മീഷൻ ഉത്തരവ് പുറത്തിറക്കിയത്. ഒപ്പം തന്നെ സിബിഎസ്ഇ മേഖലാ ഓഫീസർ സ്‌കൂളുകൾക്ക് ഔദ്യോഗിക നിർദേശം നൽകണമെന്ന് കമ്മീഷൻ ചെയർമാൻ കെവി മനോജ് കുമാർ, അംഗങ്ങളായ കെ നസീർ, ബി ബബിത എന്നിവർ ഉൾപ്പെട്ട ഫുൾ ബെഞ്ച് വ്യക്‌തമാക്കി.
Read also : ലോകത്ത് മലിനീകരണം കൂടിയ 30 നഗരങ്ങളിൽ 22ഉം ഇന്ത്യയിലെന്ന് റിപ്പോർട്
