ന്യൂയോര്ക്ക്: കോവിഡ് വാക്സിന് ലഭ്യതയുമായി ബന്ധപ്പെട്ട് യുഎസ് പ്രസിഡണ്ട് ഡൊണാൾഡ് ട്രംപിനെ തള്ളി ഉന്നത ഉദ്യോഗസ്ഥൻ രംഗത്ത്. രാജ്യത്ത് വാക്സിന് ജനുവരിയോടെ മാത്രമേ ലഭ്യമാവുകയുള്ളു എന്ന് അറിയിച്ച ഡോ. റോബര്ട്ട് കാഡ്ലാക്, ഈ മാസം തന്നെ വാക്സിന് ജനങ്ങളിലേക്ക് എത്തിക്കുമെന്ന് ട്രംപിന്റെ പ്രസ്താവന പൂര്ണമായും തള്ളി.
ശൈത്യകാലം വരാനിരിക്കെ കോവിഡ് വ്യാപനം തടയാനുള്ള പദ്ധതികളില് വേണ്ടത്ര മുന്നൊരുക്കങ്ങള് നടത്തിയിട്ടില്ലെന്ന് രാജ്യത്തെ ആരോഗ്യ വിദഗ്ധർ അടക്കം ചൂണ്ടിക്കാട്ടിയിരുന്നു.
എന്നാല് ആഴ്ച്ചകള്ക്കുള്ളില് തന്നെ വാക്സിന് ജനങ്ങളിലേക്ക് എത്തിക്കുമെന്ന് ട്രംപ് റാലികളില് ആവര്ത്തിക്കുകയാണ്. കാഡ്ലക്കിന്റെ പ്രസ്താവന ട്രംപിനെ കൂടുതല് പ്രതിരോധത്തില് ആക്കും. ഡോ. റോബര്ട്ട് കാഡ്ലാക്കിന് പുറമേ ആരോഗ്യ രംഗത്തെ നിരവധി പ്രമുഖര് ട്രംപിന്റെ നിലപാടിന് എതിരെ പരസ്യമായി എതിര്പ്പ് പ്രകടിപ്പിച്ചിരുന്നു.
Read Also: അമേരിക്കന് പ്രസിഡന്റ് തെരഞ്ഞെടുപ്പ്; ടെലിവിഷന് സംവാദം റദ്ദാക്കി