പട്ടാമ്പി: നിർധനരായ കുടുംബത്തിന്റെ കുടിവെള്ളം മുട്ടിച്ച് കർക്കിടക മഴ. വെള്ളിയാഴ്ച ഉണ്ടായ അതിശക്തമായ മഴയിലാണ് പട്ടാമ്പി ഞാങ്ങാട്ടിരിയിൽ താമസിക്കുന്ന പമ്പാവാസൻ, സുഭദ്ര ദമ്പതികളുടെ വീട്ടിലുള്ള കിണർ മുഴുവനായും ഇടിഞ്ഞുതാഴ്ന്നത്. കഴിഞ്ഞ ഒരാഴ്ചയായി തുടരുന്ന മഴയാണ് വെറും മൂന്ന് വർഷം മാത്രം പഴക്കമുള്ള കിണറിന് ഭീഷണിയായത്. നിലവിൽ അയൽ വീടുകളിൽ നിന്ന് കുടിവെള്ളവും, മറ്റാവശ്യത്തിനുള്ള വെള്ളവും എത്തിക്കേണ്ട അവസ്ഥയിലാണ് ഈ കുടുംബം.
കിണറിന്റെ ആൾമറയും, മുകളിലുള്ള ഗ്രില്ലും, കല്ല് വച്ചു പടുത്തിരുന്ന മുഴുവൻ ഭാഗവും മഴയിൽ തകർന്നു പോയി. ബിപിഎൽ വിഭാഗത്തിൽ പെടുന്ന കുടുംബം ഇപ്പോൾ തൃത്താല പഞ്ചായത്തിന്റെ കാലവർഷ കെടുതി അടിയന്തിര സഹായവും കാത്ത് കിടക്കുകയാണ്. എന്നാൽ ലോക്ക്ഡൗൺ കാരണം പഞ്ചായത്ത് അധികൃതരെ പരാതി ബോധിപ്പിക്കാൻ കഴിഞ്ഞിട്ടില്ലെന്ന് ഗൃഹനാഥനായ പമ്പാവാസൻ മലബാർ ന്യൂസിനോട് പറഞ്ഞു.
Read Also: കനത്ത മഴ തുടരും; സംസ്ഥാനത്ത് ഇന്ന് യെല്ലോ അലര്ട്