തിരുവനന്തപുരം: വനിതാ കമ്മീഷൻ സർക്കാരിന് അതീതമായി പ്രവർത്തിക്കാൻ കഴിയുന്ന സ്വതന്ത്ര ഇടമായി മാറണമെന്ന് കെകെ രമ എംഎൽഎ. സ്വതന്ത്രമായ പ്രവർത്തനത്തിന് സാധിക്കുന്നില്ലെങ്കിൽ വനിതാ കമ്മീഷൻ എന്ന സ്ഥാപനം കൊണ്ട് ഉദ്ദേശിക്കുന്ന ലക്ഷ്യങ്ങൾ നടപ്പിലാകില്ലെന്നും എംഎൽഎ പറഞ്ഞു. എംസി ജോസഫൈനെ വനിതാ കമ്മീഷൻ അധ്യക്ഷ സ്ഥാനത്തുനിന്നും മാറ്റിയതിൽ പ്രതികരിക്കുകയായിരുന്നു എംഎൽഎ.
എംസി ജോസഫൈൻ രാജി വച്ച നടപടി സ്വാഗതം ചെയ്യുന്നു. വാളയാർ പെൺകുട്ടികളുടെ വിഷയത്തിൽ വനിതാ കമ്മീഷന് ഇടപെടാൻ കഴിയാതിരുന്നത് പാർട്ടിയുടെ ചരടുവലികൾ കാരണമാണ്. പാർട്ടിയാണ് കോടതി എന്ന ജോസഫൈന്റെ പരാമർശം പാർട്ടി ചട്ടങ്ങൾക്ക് കീഴിൽ നിൽക്കുന്നത് കൊണ്ടാണെന്നും കെകെ രമ പ്രതികരിച്ചു.
Read also: എംസി ജോസഫൈൻ; സംസ്ഥാന വനിതാ കമ്മീഷൻ അധ്യക്ഷ സ്ഥാനം രാജിവച്ചു