തിരുവനന്തപുരം: സംസ്‌ഥാനത്ത്‌ രണ്ടിടത്ത് ലഹരിമരുന്ന് വേട്ട. തിരുവനന്തപുരത്ത് വീട്ടിൽ സൂക്ഷിച്ച കഞ്ചാവും കണ്ണൂരിൽ എംഡിഎംഎയുമാണ് പിടികൂടിയത്. തിരുവനന്തപുരത്ത് വെഞ്ഞാറമൂട്ടിൽ പോലീസ് സ്‌റ്റേഷന് പിന്നിലെ വീട്ടിൽ നിന്നാണ് കഞ്ചാവ് പിടികൂടിയത്. 210 കിലോ കഞ്ചാവാണ് ഇവിടെ നിന്ന് പിടിച്ചെടുത്തത്. കഞ്ചാവ് വീട്ടിൽ സൂക്ഷിച്ച കിഷോർ എന്നയാളെ പോലീസ് കസ്‌റ്റഡിയിൽ എടുത്തു.
ഡിസ്‌ട്രിക്‌ട് ആന്റി നർകോട്ടിക് സ്‌പെഷ്യൽ ആക്ഷൻ ഫോഴ്‌സ് റൂറൽ വിഭാഗമാണ് കഞ്ചാവ് പിടികൂടിയത്. കണ്ണൂരിൽ നിന്ന് 10.5 ഗ്രാം എംഡിഎംഎയാണ് പിടികൂടിയത്. ബർണശ്ശേരി സ്വദേശി സഞ്‌ജു വിൽഫ്രഡിനെ പോലീസ് അറസ്‌റ്റ് ചെയ്‌തു. ടൗൺ എസ്‌ഐയും സംഘവുമാണ് പ്രതിയെ പിടികൂടിയത്.
Most Read: കനത്ത മഴ; മലപ്പുറത്ത് കിണർ ഇടിഞ്ഞു താണു- മരങ്ങൾ കടപുഴകി- വ്യാപക നാശനഷ്‌ടം
