അബുദാബി: യുഎഇ പ്രസിഡന്റ് ശൈഖ് ഖലീഫ ബിന് സായിദ് അല് നഹ്യാന്റെ നിര്യാണത്തെ തുടർന്ന് രാജ്യത്ത് 40 ദിവസത്തെ ദുഃഖാചരണം പ്രഖ്യാപിച്ചു. കൂടാതെ സ്വകാര്യ മേഖലക്ക് 3 ദിവസത്തെ അവധിയും പ്രഖ്യാപിച്ചിട്ടുണ്ട്. രാജ്യത്തെ മന്ത്രാലയങ്ങളും സര്ക്കാര് വകുപ്പുകളും ഫെഡറല്, പ്രാദേശിക സര്ക്കാര് സ്ഥാപനങ്ങളും ഇന്നു മുതല് തന്നെ പ്രവര്ത്തനം നിര്ത്തിവെക്കുകയും ചെയ്തു.
ഔദ്യോഗിക ദുഃഖാചരണത്തിന്റെ ഭാഗമായി രാജ്യത്ത് ദേശീയ പതാക പകുതി താഴ്ത്തി കെട്ടും. ഇന്ന് ഉച്ചക്ക് ശേഷം യുഎഇ പ്രസിഡന്ഷ്യല്കാര്യ മന്ത്രാലയമാണ് പ്രസിഡന്റ് നിര്യാതനായ വാർത്ത പുറത്തുവിട്ടത്.
യുഎഇയുടെ രൂപീകരണത്തിന് ശേഷമുള്ള രണ്ടാമത്തെ പ്രസിഡന്റാണ് ശൈഖ് ഖലീഫ ബിന് സായിദ് അല് നഹ്യാന്. 2004 നവംബർ 3ആം തീയതിയാണ് അദ്ദേഹം രാഷ്ട്രത്തലവനായി ചുമതലയേറ്റത്. യുഎഇ സ്ഥാപകനും ആദ്യ ഭരണാധികാരിയുമായ ശൈഖ് സായിദ് ബിന് സുല്ത്താന് അല് നഹ്യാന്റെ നിര്യാണത്തെ തുടര്ന്നായിരുന്നു അദ്ദേഹം ഭരണം ഏറ്റെടുത്തത്.
Read also: ‘നല്ല ഭക്ഷണം, നാടിന്റെ അവകാശം’; പരിശോധന തുടരുമെന്ന് വീണാ ജോർജ്