ബെംഗളൂരു: വിൻസൺ ഗാർഡനിൽ മൂന്നുനില കെട്ടിടം തകർന്നുവീണു. ആൾത്തിരക്കേറിയ തെരുവിലാണ് അപകടമുണ്ടായത്. കെട്ടിടത്തിലെ താമസക്കാരായ അൻപതോളം പേർ തലനാരിഴക്ക് രക്ഷപെട്ടു. ബെംഗളൂരു മെട്രോ നിർമാണ തൊഴിലാളികളാണ് ഇവിടെ താമസിച്ചിരുന്നത്. കഴിഞ്ഞ ദിവസങ്ങളിൽ കെട്ടിടത്തിൽ വലിയ കുലുക്കം അനുഭവപ്പെട്ടതായി തൊഴിലാളികൾ കരാറുകാരനെ അറിയിച്ചിരുന്നു.
എന്നാൽ, തൊഴിലാളികളെ ഇവിടെ നിന്ന് മാറ്റാൻ കരാറുകാരൻ തയ്യാറായില്ല. ഇതിന് പിന്നാലെ ഇന്നലെ വൈകിട്ടോടെ തൊഴിലാളികൾ മറ്റൊരു സ്ഥലത്തേക്ക് താമസം മാറിയിരുന്നു. കെട്ടിടം തകർന്നുവീണതോടെ സമീപത്ത് വലിയ വിള്ളൽ രൂപപ്പെട്ടിട്ടുണ്ട്. പ്രദേശത്തെ വാഹനങ്ങൾക്കും കേടുപാടുകൾ സംഭവിച്ചിരുന്നു. നാശനഷ്ടങ്ങളുടെ കണക്കെടുക്കുമെന്ന് അധികൃതർ അറിയിച്ചിട്ടുണ്ട്.
Also Read: ഹിന്ദു ക്ഷേത്രം സംരക്ഷിക്കണം; കോടതിയെ സമീപിച്ച് മുസ്ലിം വിഭാഗം