തിരുവനന്തപുരം: സംസ്‌ഥാനത്ത് തിങ്കളാഴ്‌ച മുതൽ റേഷൻ കടകളുടെ സമയ ക്രമത്തിൽ മാറ്റം വരുമെന്ന് വ്യക്‌തമാക്കി മന്ത്രി ജിആർ അനിൽ. തിങ്കളാഴ്‌ച മുതൽ രാവിലെ 8 മണി മുതൽ ഉച്ചക്ക് 12 മണി വരെയും, വൈകുന്നേരം 4 മണി മുതൽ 7 മണി വരെയുമാണ് റേഷൻ കടകൾ പ്രവർത്തിക്കുക.
വേനൽച്ചൂട് വർധിക്കുന്നതടക്കമുള്ള സാഹചര്യങ്ങൾ പരിഗണിച്ചാണ് സംസ്‌ഥാനത്ത് റേഷൻ കടകളുടെ സമയക്രമത്തിൽ മാറ്റം വരുത്താൻ അധികൃതർ തീരുമാനിച്ചത്. നിലവിൽ രാവിലെ 8.30 മുതൽ 12.30 വരെയും, വൈകുന്നേരം 3.30 മുതൽ 6.30 വരെയുമാണ് സംസ്‌ഥാനത്ത് റേഷൻ കടകൾ പ്രവർത്തിക്കുന്നത്. തിങ്കളാഴ്‌ച മുതൽ സമയക്രമത്തിൽ മാറ്റം വരുന്നതിനാൽ സാധനങ്ങൾ വാങ്ങാൻ എത്തുന്ന ഉപഭോക്‌താക്കൾ ശ്രദ്ധിക്കണമെന്ന് മന്ത്രി അറിയിച്ചു.
Read also: ഹൈദരലി ശിഹാബ് തങ്ങളുടെ ആരോഗ്യനില ഗുരുതരം
