ഗോവ: ഐഎസ്എൽ ഏഴാം സീസൺ ലീഗ് ഘട്ടം കഴിയാറായപ്പോൾ പ്ളേ ഓഫ് പ്രവേശനത്തിനുള്ള പോരാട്ടം മുറുകുന്നു. ഇന്നത്തെ നിർണായക മൽസരത്തിൽ ജംഷഡ്പൂർ എഫ്സി രണ്ടാം സ്ഥാനക്കാരായ മുംബൈ സിറ്റിയെ നേരിടും. ജംഷഡ്പൂരിന് ഇന്ന് ജയിച്ചില്ലെങ്കിൽ പ്ളേ ഓഫ് സാധ്യതകൾ മങ്ങും. അതേസമയം മുംബൈ സിറ്റിയാവട്ടെ നേരത്തെ തന്നെ പ്ളേ ഓഫ് ഉറപ്പിച്ചതുമാണ്.
സീസണില് നേരത്തെ ഇരു ടീമുകളും ഏറ്റുമുട്ടിയപ്പോള് സമനിലയില് പിരിയുകയായിരുന്നു. 17 മൽസരങ്ങളില് 34 പോയിന്റുമായി പട്ടികയില് രണ്ടാമതുള്ള മുംബൈ നേരത്തെ തന്നെ പ്ളേ ഓഫ് ഉറപ്പിച്ചിരുന്നു. 18 മൽസരങ്ങളില് 21 പോയിന്റുമായി നിലവില് ഏഴാം സ്ഥാനത്താണ് ജംഷഡ്പൂര്. അവസാന മൽസരങ്ങളിൽ ഇരുടീമുകൾക്കും തോൽവിയായിരുന്നു ഫലം. വൈകീട്ട് ഏഴരക്കാണ് മൽസരം ആരംഭിക്കുന്നത്.
Read Also: ഇൻസ്റ്റഗ്രാമം: മലയാളത്തിലെ ആദ്യ സമ്പൂര്ണ വെബ് സീരിസ്; റിലീസ് 22ന്