സൂപ്പര്‍ഹിറ്റ് മലയാള ചലച്ചിത്രം മായാനദിക്ക് ശേഷം ടൊവിനോ തോമസ് നായകനാകുന്ന ചിത്രവുമായി ആഷിഖ് അബു വീണ്ടും. ‘നാരദന്‍’ എന്ന് പേരിട്ടിരിക്കുന്ന ചിത്രത്തില്‍ അന്നാ ബെന്‍ നായികയാകും. ഉണ്ണി ആറിന്റെ രചനയില്‍ തയാറാകുന്ന ചിത്രം നിര്‍മ്മിക്കുന്നത് സന്തോഷ് കുരുവിളയും റിമ കല്ലിങ്കലും ആഷിഖ് അബുവും ചേര്‍ന്നാണ്.
ജാഫര്‍ സാദിഖ് ആണ് ചിത്രത്തിന്റെ ക്യാമറ കൈകാര്യം ചെയ്യുക. എഡിറ്റിംഗ് സൈജു ശ്രീധരന്‍ നിര്‍വഹിക്കും. ജനുവരിയില്‍ ചിത്രീകരണം ആരംഭിക്കുന്ന ചിത്രം ഏപ്രിലോടെ റിലീസ് ചെയ്യുമെന്നാണ് റിപ്പോര്‍ട്ടുകള്‍. മായാനദി, വൈറസ് എന്നീ ചിത്രങ്ങള്‍ക്ക് ശേഷമാണ് ആഷിഖ് അബുവും ടൊവിനോയും ഒന്നിക്കുന്നത്.
Read also: ഐ വി ശശിയുടെ ഓര്‍മകള്‍ക്ക് മൂന്ന് വയസ്; ഓര്‍മപ്പൂക്കള്‍ അര്‍പ്പിച്ച് മമ്മൂട്ടി
